കള്ളപ്പണം വെളുപ്പിക്കല്‍ കേസില്‍ ബഹുജന്‍ സമാജ് വാദി പാര്‍ട്ടി മുന്‍ എംഎല്‍എയും ഗുണ്ടാതലവനുമായിരുന്ന മുക്താര്‍ അന്‍സാരി അറസ്റ്റിലായി. അഞ്ച് തവണ മുൻ എംഎൽഎയായ അൻസാരി ഇതേ കേസില്‍ ഉത്തർപ്രദേശിലെ ബന്ദയിലെ ജയിലിലായിരുന്നു. കഴിഞ്ഞ വർഷം ഈ കേസിൽ 59 കാരനായ അന്‍സാരിയെ ഇഡി ചോദ്യം ചെയ്തിരുന്നു.
പ്രൊഡക്ഷൻ വാറണ്ടിന്റെ അടിസ്ഥാനത്തിൽ പ്രയാഗ്‌രാജിലെ കോടതിയിൽ ഹാജരാക്കിയ ശേഷം കള്ളപ്പണം വെളുപ്പിക്കൽ നിരോധന നിയമത്തിന്റെ (പിഎംഎൽഎ) ക്രിമിനൽ വകുപ്പുകൾ പ്രകാരം ഇയാളെ ഇഡി കസ്റ്റഡിയിൽ എടുത്തതായി ഔദ്യോഗിക വൃത്തങ്ങൾ അറിയിച്ചു. മകൻ അബ്ബാസ് അൻസാരി എംഎൽഎയെ പ്രയാഗ്‌രാജിലെ സബ് സോണൽ ഓഫീസിലെ ചോദ്യം ചെയ്യലിന് ശേഷം നവംബറിൽ അറസ്റ്റ് ചെയ്തു. ഇതിന് പിന്നാലെ മുക്താർ അൻസാരിയുടെ ഭാര്യാസഹോദരൻ ആതിഫ് റാസയും അറസ്റ്റിലായിരുന്നു.
ഭൂമി കൈയേറ്റം, കൊലപാതകം, കൊള്ളയടിക്കൽ തുടങ്ങിയ കുറ്റങ്ങൾ ഉൾപ്പെടെ 49 ക്രിമിനൽ കേസുകളിൽ മുഖ്താർ അൻസാരിക്കെതിരെയുണ്ട്. കൂടാതെ കൊലപാതകശ്രമവും കൊലപാതകവും ഉൾപ്പെടെ നിരവധി കേസുകളിൽ ഉത്തർപ്രദേശിൽ വിചാരണ നേരിടുകയും ചെയ്യുന്നുണ്ട് അന്‍സാരി.
English Summary: Mukhtar Ansari arrested in money laundering case
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.