വീര്യം കൂടിയ മദ്യത്തിന്റെ ഉപയോഗം കുറച്ച് കൊണ്ട് മദ്യവർജ്ജനത്തിന് അവശ്യമായ നടപടികൾ സ്വീകരിക്കുമെന്ന എൽഡിഎഫിന്റെ പ്രഖ്യാപിത നയത്തിന്റെ കടയ്ക്കൽ കത്തി വയ്ക്കുന്നതാണ് 2022 — 23 ലെ മദ്യനയമെന്ന് കേരളാ സ്റ്റേറ്റ് ചെത്ത് തൊഴിലാളി ഫെഡറേഷൻ സംസ്ഥാന വർക്കിംഗ് പ്രസിഡന്റ് ഡി പി മധു അഭിപ്രായപ്പെട്ടു.
കള്ള് വ്യവസായ തൊഴിലാളികളുടെ ചിരകാല സ്വപ്നമായ ടോഡി ബോർഡ് സാങ്കേതിക കാരണം പറഞ്ഞ് മാറ്റിവച്ചത് ന്യായീകരിക്കുവാൻ കഴിയുന്നതല്ല. മദ്യഷാപ്പുകളിലെ തിരക്ക് ഒഴിവാക്കുവാനും ഐ ടി പാർക്കുകളിൽ വിനോദത്തിനും വേണ്ടി പുതിയ പ്രീമിയം മദ്യ ഷോപ്പുകൾ അനുവദിക്കുമെന്ന പ്രഖ്യാപനം വീര്യം കൂടിയ മദ്യത്തിന്റെ വ്യാപനം വർധിപ്പിക്കുവാനേ ഉപകരിക്കൂ.
അനധികൃത മദ്യത്തിന്റേയും മയക്ക്മരുന്നിന്റേയും അതിപ്രസരമാണ് എന്ന വസ്തുത എക്സൈസ് ഡിപ്പാർട്ട്മെന്റ് തന്നെ വെളിപ്പെടുത്തുകയാണ്. ഈ സാഹചര്യത്തിൽ പുതിയ മദ്യ ഷോപ്പുകൾ സ്ഥാപിക്കുവാനുള്ള നീക്കം ഉപേഷിച്ച് പരമ്പരാഗത കള്ള് ചെത്ത് വ്യവസായത്തെ സംരക്ഷിക്കുന്നതിനും തിരഞ്ഞെടുപ്പ് കാലത്തെ പ്രഖ്യാപിത മദ്യനയം വെള്ളം ചേർക്കാതെ നടപ്പിലാക്കുവാനും സർക്കാർ തയ്യാറാകണമെന്ന് ഡി പി മധു ആവശ്യപ്പെട്ടു.
English Summary: New liquor policy contrary to LDF policy: AITUC
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.