നഗരസഭ കൃഷിഭവൻ മുഖാന്തിരം ഓണത്തോടനുബന്ധിച്ച് കൃഷിയെ പ്രോത്സാഹിപ്പിക്കുന്നതിന്റെ ഭാഗമായി കാർഷിക ഉല്പന്നങ്ങളുടെയും, പരമ്പരാഗത രീതിയിലുള്ള വിവിധയിനം നെൽവിത്തുകളുടെയും പ്രദർശനവും, വിപണനവും ഉൾക്കൊള്ളിച്ച് ഞാറ്റുവേല ചന്തയും കർഷകസഭയും സംഘടിപ്പിച്ചു. ആലപ്പുഴ നഗരസഭ ടൗൺഹാളിൽ സംഘടിപ്പിച്ച ഞാറ്റുവേലചന്ത ആലപ്പുഴ നഗരസഭ ചെയർപേഴ്സൺ സൗമ്യരാജ് ഉദ്ഘാടനം ചെയ്തു.
വികസനകാര്യ സ്റ്റാൻറിംഗ് കമ്മറ്റി ചെയർപേഴ്സൺ ബിന്ദു തോമസ് അദ്ധ്യക്ഷത വഹിച്ച ചടങ്ങിൽ പ്രാദേശിക വികസന കേന്ദ്രം ഗവേഷണ ശാസ്ത്രജ്ഞൻ സുരേന്ദ്രൻ കർഷക സഭ ക്ലാസ് നയിച്ചു. കൗൺസിലർമാരായ എം ജി സതീദേവി, ക്ലാരമ്മ പീറ്റർ, കൃഷി ഓഫീസർ സീതാരാമൻ, അസിസ്റ്റന്റ് കൃഷി ഓഫീസർ ജൂലി തുടങ്ങിയവർ സംസാരിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.