മധ്യപ്രദേശിലെ ഇന്ദിര ഗാന്ധി നാഷണൽ ട്രൈബൽ സർവകലാശാലയിൽ കേരളത്തിലെ വിദ്യാർത്ഥികളോട് നിപ നെഗറ്റീവ് സർട്ടിഫിക്കറ്റ് ആവശ്യപ്പെട്ട നിർദേശം പിൻവലിച്ചു. ഉത്തരവ് പിൻവലിച്ചതോടെ വിദ്യാർത്ഥികളെ ക്യാമ്പസിലേക്ക് പ്രവേശിപ്പിച്ചു. ഇന്നും ഇന്നലെയും ഓപ്പൺ കൗൺസിലിങ്ങിന് വന്ന വിദ്യാർഥികളെയാണ് ക്യാമ്പസിലേക്ക് പ്രവേശിപ്പിച്ചത്. ശക്തമായ പ്രതിഷേധത്തെ തുടർന്നാണ് സർവകലാശാല നിർദേശം പിൻവലിച്ചത്.
ഇന്നലെയായിരുന്നു നിപ നെഗറ്റീവ് സർട്ടിഫിക്കറ്റ് ഹാജരാക്കണമെന്ന് മധ്യപ്രദേശിലെ ഇന്ദിര ഗാന്ധി നാഷണൽ ട്രൈബൽ സർവകലാശാല മലയാളി വിദ്യാർത്ഥികൾക്ക് നിർദ്ദേശം നൽകിയത്. ക്യാമ്പസിലേക്ക് പ്രവേശിക്കണമെങ്കിൽ മലയാളി വിദ്യാർഥികൾ നിപ നെഗറ്റീവ് സർട്ടിഫിക്കറ്റ് ഹാജരാക്കണമെന്നായിരുന്നു നിർദ്ദേശം.
സംഭവവുമായി ബന്ധപ്പെട്ട് ട്രൈബല്‍ യൂണിവേഴ്‌സിറ്റി അധികൃതരുമായി മന്ത്രി ഡോ. ആര്‍ ബിന്ദു ആശയവിനിമയം നടത്തിയിരുന്നു.
English Summary: no nipah certificate in madhya pradesh university circular withdrawn by indira gandhi university
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.