2 March 2024, Saturday

Related news

February 6, 2024
February 3, 2024
November 14, 2023
November 1, 2023
October 31, 2023
October 18, 2023
October 13, 2023
October 6, 2023
September 25, 2023
September 20, 2023

സോഷ്യൽ മീഡിയയിലെ അശ്ലീല ഉള്ളടക്കം: നിയമങ്ങൾ കൊണ്ടുവരുമെന്ന് കേന്ദ്രം

Janayugom Webdesk
ന്യൂഡല്‍ഹി
August 22, 2023 8:05 pm

സോഷ്യൽ മീഡിയ പ്ലാറ്റ്‌ഫോമുകളും സ്ട്രീമിങ്ങുകളും അശ്ലീലമായ ഉള്ളടക്കങ്ങളില്‍ നിന്നും മുക്തമാണെന്ന് ഉറപ്പാക്കാൻ ആവശ്യമായ നിയമങ്ങളും ചട്ടങ്ങളും ഉൾപ്പെടുത്തുമെന്ന് കേന്ദ്ര സർക്കാർ. ഡൽഹി ഹൈക്കോടതിക്ക് നല്‍കിയ സത്യവാങ്മൂലത്തിലാണ് കേന്ദ്രം ഇക്കാര്യം വ്യക്തമാക്കിയത്. ഹൈക്കോടതിയുടെ മുൻകാല നിർദ്ദേശങ്ങൾ പാലിക്കുന്നതായി കാണിക്കുന്ന സത്യവാങ്മൂലത്തിൽ ഇലക്ട്രോണിക്സ് & ഇൻഫർമേഷൻ ടെക്നോളജി മന്ത്രാലയം, മുൻ ഉത്തരവുകളിൽ ഹൈക്കോടതി പ്രകടിപ്പിച്ച ആശങ്കകൾ ശ്രദ്ധയിൽപ്പെട്ടതായി അറിയിച്ചു.

സോഷ്യൽ മീഡിയയിലെയും ഒടിടി പ്ലാറ്റ്‌ഫോമുകളിലെയും ഉള്ളടക്കം നിയന്ത്രിക്കുന്നതിനുള്ള നിയമങ്ങളും മാർഗ്ഗനിർദ്ദേശങ്ങളും രൂപപ്പെടുത്തുന്നതിന് അടിയന്തര ശ്രദ്ധ ആവശ്യമാണെന്ന് ഹൈക്കോടതി നേരത്തെ പറഞ്ഞിരുന്നു.

ചെറുപ്രായത്തിലുള്ള കുട്ടികൾക്കായി തുറന്നിരിക്കുന്ന പൊതുസഞ്ചയത്തിലും സോഷ്യൽ മീഡിയ പ്ലാറ്റ്‌ഫോമുകളിലും അസഭ്യമായ ഭാഷ ഉപയോഗിക്കുന്നത് ഗൗരവമായി കാണേണ്ടതിന്റെ ആവശ്യകത ഹൈക്കോടതി അടിവരയിട്ടു. കേന്ദ്രത്തിന്റെ സത്യവാങ്മൂലത്തിന്റെ അടിസ്ഥാനത്തില്‍ വിഷയം തീര്‍പ്പാക്കിയതായി കോടതി അറിയിച്ചു. 

Eng­lish Sum­ma­ry: Obscene con­tent on social media: Cen­tral gov­ern­ment to bring rules

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.