ആയുധങ്ങളും മയക്കുമരുന്നുമായി പാകിസ്ഥാൻ ബോട്ട് ഗുജറാത്ത് തീരത്ത് പിടിയിൽ. 300 കോടിയുടെ 40 കിലോഗ്രാം മയക്കുമരുന്നും പത്ത് പിസ്റ്റളും കണ്ടെടുത്തു. ബോട്ടിലുണ്ടായിരുന്ന പത്ത് പേരെ കസ്റ്റഡിയിലെടുത്തിട്ടുണ്ട്. ഇന്ത്യൻ കോസ്റ്റ് ഗാർഡിന് ഗുജറാത്തിലെ ആന്റി ടെററിസം സ്ക്വാഡിൽ (എടിഎസ്) നിന്ന് രഹസ്യാന്വേഷണ വിവരം ലഭിച്ചതിന്റെ അടിസ്ഥാനത്തിൽ ഡിസംബർ 25, 26 തീയതികളില്‍ രാത്രിയിൽ പട്രോളിങ് നടത്തിയിരുന്നു.
തിങ്കളാഴ്ച പുലർച്ചെയാണ് പാകിസ്ഥാൻ മത്സ്യബന്ധന ബോട്ട് ‘അൽ സൊഹേലി’ ഇന്ത്യൻ സമുദ്രത്തിൽ സംശയാസ്പദമായി നീങ്ങുന്നത് ഐസിജി നിരീക്ഷിച്ചത്. പിടികൂടിയവരെ കോസ്റ്റ് ഗാർഡ് സംഘം ചോദ്യം ചെയ്ത് വരികയാണ്. കോസ്റ്റ് ഗാർഡിന്റെ ‘അരിഞ്ജയ്’ എന്ന കപ്പലാണ് പാക് ബോട്ടിനെ തടഞ്ഞത്. കഴിഞ്ഞ 18 മാസത്തിനിടെ ഇന്ത്യൻ കോസ്റ്റ് ഗാർഡും ഗുജറാത്തിലെ എടിഎസും ചേർന്ന് നടത്തുന്ന ഏഴാമത്തെ സംയുക്ത ഓപ്പറേഷനാണിത്.
English Summary:Pak boat caught with drugs worth 300 crores
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.