13 June 2024, Thursday

Related news

May 30, 2024
May 13, 2024
March 4, 2024
January 19, 2024
January 16, 2024
January 13, 2024
August 8, 2023
July 12, 2023
May 12, 2023
May 3, 2023

സൗഹൃദം സ്ഥാപിക്കാന്‍ പിന്തുടര്‍ന്നു; യുവതിക്ക് നേരെ യുവാവിന്റെ ആസിഡ് ആക്രമണം

Janayugom Webdesk
അഹ്‌മദാബാദ്
March 8, 2022 12:01 pm

സൗഹൃദം സ്ഥാപിക്കാനുള്ള ക്ഷണം നിരസിച്ച യുവതിക്ക് നേരെ യുവാവിന്റെ ആസിഡ് ആക്രമണം. അഹ്‌മദാബാദിലെ ഘട് ലോദിയയില്‍ വെച്ച്‌ 39 കാരിയായ യുവതിക്ക് നേരെയാണ് ഞായറാഴ്ച രാത്രി ആസിഡ് ആക്രമണം നടത്തിയതെന്ന് പൊലീസ് പറഞ്ഞു. റസിഡന്‍ഷ്യല്‍ സൊസൈറ്റിയിലെ ഒരു അപാര്‍ട്മെന്റില്‍ കെയര്‍ടേകറായി ജോലി ചെയ്തിരുന്ന യുവതിയെ ചെയ്യുകയായിരുന്നു. 

അഹ് മദാബാദിലെ നാരന്‍പുര സ്വദേശിയും ഓടോറിക്ഷ ഡ്രൈവറുമായ ശിവ നായക് ആണ് ആക്രമിച്ചത്. ശിവനായകിന്റെ ഓടോറിക്ഷയിലാണ് യുവതി ജോലിസ്ഥലത്ത് പോകാറുള്ളത്. അതുകൊണ്ടുതന്നെ ഇരുവരും ഫോണ്‍ നമ്പറുകള്‍ കൈമാറുകയും ചെയ്തിരുന്നു. ഇതിനിടെ നായക് യുവതിയുമായി സൗഹൃദം സ്ഥാപിക്കാന്‍ ശ്രമിച്ചെങ്കിലും അത് അവര്‍ നിരസിക്കുകയായിരുന്നു. 

തുടര്‍ന്ന് ഞായറാഴ്ച രാത്രി ജോലിസ്ഥലത്ത് നിന്ന് മടങ്ങിവന്ന യുവതിയെ പിന്തുടര്‍ന്ന് കൊല്ലുമെന്ന് ഭീഷണിപ്പെടുത്തിയ ശേഷമാണ് കൈവശം കരുതിയിരുന്ന ആസിഡ് ഒഴിച്ചതെന്ന് പൊലീസ് പറഞ്ഞു. സംഭവത്തിനുശേഷം ഒളിവില്‍ പോയ യുവാവിനെ പിടികൂടാനുള്ള ശ്രമങ്ങള്‍ തുടരുകയാണെന്ന് ഉദ്യോഗസ്ഥര്‍ പറഞ്ഞു. യുവതിയുടെ നെഞ്ചില്‍ 15 ശതമാനം പൊള്ളലേറ്റിട്ടുണ്ട് ഇവരെ ആശുപത്രിയില്‍ പ്രവേശിപ്പിച്ചു. ആസിഡ് ആക്രമണത്തിന് 326 എ, പിന്തുടര്‍ന്നതിന് 354 ഡി, ഭീഷണിപ്പെടുത്തിയതിന് 506 എന്നിങ്ങനെ ഇന്ത്യന്‍ ശിക്ഷാ നിയമത്തിലെ (ഐപിസി) ക്രിമിനല്‍ വകുപ്പുകള്‍ പ്രകാരമാണ് യുവാവിനെതിരെ കേസെടുത്തിരിക്കുന്നത്. 

Eng­lish Summary:Pursued to estab­lish friend­ship; Acid attack on a young woman by a young man
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.