ഖേഴ്‌സൻ പിടിച്ചെടുത്ത് റഷ്യ

ഉക്രെയ്നിലെ ഖേഴ്‌സൻ പിടിച്ചെടുത്ത് റഷ്യ. നഗരഭരണകേന്ദ്രം നിയന്ത്രണത്തിലാക്കിയെന്ന് റഷ്യ. ഉക്രെയ്നിൽ ആണവ യുദ്ധ ഭീഷണി ഉയർത്തുന്നത് പാശ്ചാത്യ രാജ്യങ്ങളാണെന്നും ആണവ യുദ്ധം റഷ്യയുടെ പരിഗണനയിലില്ലെന്നും റഷ്യൻ വിദേശകാര്യ മന്ത്രി സെര്‍ജി ലാവ്റോ അറിയിച്ചു.

റഷ്യയുടേത് പരിമിതമായ ആവശ്യങ്ങൾ മാത്രമാണെന്നും ഉക്രെയ്നുമായുള്ള പ്രശ്നങ്ങൾക്ക് പരിഹാരം കാണാൻ സാധിക്കുമെന്നാണ് കരുതുന്നതെന്നും അദ്ദേഹം വിദേശ മാധ്യമങ്ങളോട് പ്രതികരിച്ചു.

ഉക്രെയ്നില്‍ നിന്നും റഷ്യ നേരിടുന്ന ഭീഷണി ഇല്ലാതാക്കുകയാണ് റഷ്യയുടെ ഉദ്ദേശം. അതിന് വേണ്ടിയാണ് ഉക്രെയ്നിലേക്ക് റഷ്യൻ സൈന്യം കടന്നത്. റഷ്യക്ക് ഭീഷണിയായ ആയുധങ്ങൾ ഉക്രെയ്നില്‍ ഉണ്ടാവരുത്.

അത്തരം ആയുധങ്ങളെല്ലാം ഉക്രെയ്ൻ നശിപ്പിക്കണം. റഷ്യ- ഉക്രെയ്ൻ രണ്ടാംഘട്ട സമാധാന ചർച്ച ഇന്ന് വൈകിട്ട് നടക്കാനിരിക്കെയാണ് റഷ്യൻ വിദേശകാര്യമന്ത്രിയുടെ പ്രതികരണം.

eng­lish summary;Russia seizes Kherson

you may also like this video;