കോവൂരിൽ ഭാര്യയെ കൊലപ്പെടുത്താന്‍ ശ്രമിച്ചശേഷം ഭർത്താവ് തൂങ്ങിമരിച്ചു

ഭാര്യയെ വെട്ടിക്കൊലപ്പെടുത്താൻ ശ്രമിച്ചശേഷം ഭർത്താവ് തൂങ്ങി മരിച്ചു. കോവൂർ ഗവ എൽപിഎസിന് സമീപം താമസിക്കുന്ന പട്ടകടവ് ആന്റണി കോട്ടേജിൽ ബിനു(45)ആണ് മരിച്ചത്. ഭാര്യ ലീനയെ വെട്ടി മാരകമായി പരുക്കേൽപ്പിച്ചശേഷം വാടക വീടിനുള്ളിൽ തൂങ്ങിമരിക്കുകയായിരുന്നു. കുട്ടികളുടെ നിലവിളി കേട്ട് എത്തിയ നാട്ടുകാരാണ് ഇവരെ ആശുപത്രിയിലെത്തിച്ചത്. ലീനയെ ഗുരുതരനിലയിലാണ് ആശുപത്രിയിൽ പ്രവേശിപ്പിച്ചത്. കഴുത്തിലും കൈകാലുകളിലും വെട്ട് ഏറ്റിട്ടുണ്ട്. കൈപ്പത്തിലെ വെട്ട് ഏറെ ഗുരുതരമാണ്, ഇവരെ മെഡിക്കൽകോളജ് ആശുപത്രിയിലേക്ക് അയച്ചു. വൈകിട്ടാണ് സംഭവം. ലീന ഇസ്രയേലിൽ ജോലിയിലായിരുന്നു ഒരാഴ്ച മുമ്പാണ് ഇവർ നാട്ടിലെത്തിയത്. ഇവർക്ക് രണ്ടുമക്കളുണ്ട്.

Eng­lish Sum­ma­ry: The hus­band hanged him­self after try­ing to kill his wife in Kovur

You may like this video also