30 May 2024, Thursday

Related news

May 29, 2024
May 28, 2024
May 27, 2024
May 26, 2024
May 25, 2024
May 23, 2024
May 23, 2024
May 22, 2024
May 21, 2024
May 20, 2024

വേനൽച്ചൂടിന് ആശ്വാസമേകി മഴ

Janayugom Webdesk
തിരുവനന്തപുരം
April 12, 2024 10:18 pm

വേനൽച്ചൂടിന് ആശ്വാസമേകി സംസ്ഥാനത്ത് ഇന്നലെ വിവിധയിടങ്ങളിൽ മഴ ലഭിച്ചു. തെക്കൻ കേരളത്തിലെയും മധ്യകേരളത്തിലെയും വിവിധ ജില്ലകളിലാണ് മഴ ലഭിച്ചത്. തിരുവനന്തപുരം നഗരത്തിൽ ഇന്നലെ ഉച്ചയ്ക്ക് ശക്തമായ മഴയാണ് ലഭിച്ചത്. ഓട്ടോമാറ്റിക് വെതർസ്റ്റേഷനുകളിൽ രേഖപ്പെടുത്തിയ കണക്ക് അനുസരിച്ച് തിരുവനന്തപുരം നഗരത്തിൽ ഇന്നലെ 37.5 മി.മീ മഴ ലഭിച്ചു. 

ശക്തമായ മഴയ്ക്ക് സാധ്യതയുള്ളതിനാൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിൽ ഇന്നലെ കേന്ദ്ര കാലാവസ്ഥാ വകുപ്പ് യെല്ലോ അലർട്ടും നൽകിയിരുന്നു. അതേസമയം മഴ ലഭിക്കാത്തയിടങ്ങളിൽ അന്തരീക്ഷതാപനില മാറ്റമില്ലാതെ തുടരുകയാണ്. ഇന്ന് ഏഴ് ജില്ലകളിൽ ഉയർന്ന താപനില സാധാരണയേക്കാൾ രണ്ട് മുതൽ നാല് ഡിഗ്രി വരെ ഉയരുമെന്ന് മുന്നറിയിപ്പ് നൽകിയിട്ടുണ്ട്. തൃശൂർ, പാലക്കാട് ജില്ലകളിൽ താപനില 39 ഡിഗ്രി സെൽഷ്യസ് വരെയുയരും. കോഴിക്കോട് 38, കണ്ണൂർ 37, കൊല്ലം ആലപ്പുഴ, കാസർകോട് 36 ഡിഗ്രി വരെയും താപനില ഉയരുമെന്നാണ് മുന്നറിയിപ്പ്. 

Eng­lish Sum­ma­ry: The rain relieved the sum­mer heat

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.