യമുന എക്​സ്​പ്രസ്​വേക്ക് വാജ്​പേയ്​യുടെ പേര് നൽകുന്നു

ഉത്തർപ്രദേശിലെ യമുന എക്​സ്​പ്രസ്​വേയുടെ പേര്​ മാറ്റുന്നു. മുൻ പ്രധാനമന്ത്രി അടൽ ബിഹാരി വാജ്​പേയ്​യുടെ പേരി​ലേക്ക്​ മാറ്റാനാണ്​ തീരുമാനം. ഗൗതംബുദ്ധ നഗർ ജില്ലയിലെ ജേവറിൽ നോയിഡ അന്തരാഷ്​ട്ര വിമാനത്താവളത്തിന്റെ തറക്കല്ലിടൽ ചടങ്ങിലാകും ​പേരുമാറ്റം. നവംബർ 25നാണ്​​ തറക്കല്ലിടൽ ചടങ്ങ്​.അടുത്തവർഷം നടക്കാനിരിക്കുന്ന ​നിയമസഭ തെരഞ്ഞെടുപ്പിന്​ മുന്നോടിയായാണ്​ തിരക്കിട്ട പേരുമാറ്റവും തറക്കല്ലിടൽ ചടങ്ങും.പ്രധാനമന്ത്രി നരേന്ദ്രമോഡി, യുപി മുഖ്യമന്ത്രി യോഗി ആദിത്യനാഥ്​, മുതിർന്ന ബിജെപി നേതാക്കൾ തുടങ്ങിയവർ തറക്കല്ലിടൽ ചടങ്ങിൽ പ​ങ്കെടുക്കും. അവിടെ വച്ചാകും എക്​സ്​പ്രസ്​വേയുടെ പേരുമാറ്റം സംബന്ധിച്ച ഔദ്യോഗിക പ്രഖ്യാപനം. 

‘രാജ്യത്തിന്​ ഏറ്റവും പ്രിയപ്പെട്ട രാഷ്​ട്രീയനേതാവിന്​ ആദരാഞ്​ജലി അർപ്പിക്കാനാണ്​ എക്​സ്​പ്രസ്​വേയുടെ പേരുമാറ്റാനുള്ള തീരുമാനം. പാർട്ടിക്ക്​ അപ്പുറം എ.ബി. വാജ്​പേയെ എല്ലാവരും ബഹുമാനിക്കുന്നു. എക്​സ്​പ്രസ്​വേയുടെ പേരുമാറ്റം ഭാവിതലമുറയെ അദ്ദേഹത്തിന്‍റെ മഹത്വത്തെക്കുറിച്ച്​ ഓർമിപ്പിക്കും’ ‑മുതിർന്ന ബി.ജെ.പി നേതാവ്​ പറഞ്ഞു.
Eng­lish summary;The Yamu­na Express­way is named after Vajpayee
you may also like this video;