ലഖ്നൗ ലുലുമാളിൽ ഹനുമാൻ ചാലിസ ചൊല്ലിയ രണ്ട് പേർ അറസ്റ്റിൽ

ഉത്തര്‍പ്രദേശിലെ ലഖ്നൗ ലുലുമാളിൽ ഹനുമാൻ ചാലിസ ചൊല്ലിയ സംഭവത്തിൽ രണ്ട് പേരെ യുപി പൊലീസ് അറസ്റ്റ് ചെയ്തു. ശനിയാഴ്ചയാണ് ഒരുസംഘം ലുലുമാളിനുള്ളിലേക്ക് കടന്ന് ഹനുമാൻ ചാലിസ ചൊല്ലിയത്.

ഇതുമായി ബന്ധപ്പെട്ട് 15 പേരെ പൊലീസ് കസ്റ്റഡിയിൽ എടുത്തിട്ടുണ്ട്. രണ്ട് പേർ മാളിലേക്ക് കടന്നുചെന്ന് തറയിലിരുന്ന് ഹനുമാൻ ചാലിസ ചൊല്ലുകയായിരുന്നു. ഇവരെ മാളിലെ സുരക്ഷ ഉദ്യോഗസ്ഥരാണ് പൊലീസിനെ ഏൽപ്പിച്ചത്. മാളിലേക്ക് കടക്കാൻ​ ശ്രമിച്ച മറ്റൊരു സംഘത്തെ കസ്റ്റഡിയിലെടുത്തതിന് ശേഷം പൊലീസ് വിട്ടയച്ചു.

ലുലുമാളിൽ നിസ്കരിച്ചവർക്കെതിരെ 153എ( രണ്ട് വിഭാഗങ്ങൾക്കിടയിൽ ശത്രുതയുണ്ടാക്കൽ) 295എ( മതവികാരം വ്രണപ്പെടുത്തൽ) തുടങ്ങിയ വകുപ്പുകൾ പ്രകാരം ​പൊലീസ് കേസെടുത്തിരുന്നു. ഇതിന് പിന്നാലെയാണ് ഹനുമാൻ ചാലിസ ചൊല്ലിയവർക്കെതിരെയും​ കേസെടുത്തിരിക്കുന്നത്.

Eng­lish summary;Two arrest­ed for recit­ing Hanu­man Chal­isa in Luc­know Lulumal

You may also like this video;