കഴക്കൂട്ടം ദേശീയ പാതയില്‍ വാഹനമിടിച്ച് രണ്ടു പോത്തുകൾ ച ത്തു

കഴക്കൂട്ടം : ആക്കുളം ബൈപ്പാസിൽ കുളത്തുർ റ്റി.എസ്.സി. ആശുപത്രിക്ക് സമീപം പ്രധാന റോഡിൽ വാഹനമിടിച്ച് രണ്ട് പോത്തുകൾ ചത്തു. ഇന്നലെ പുലർച്ചെ 5ന് ആയിരുന്നു അപകടം. ദേശീയ പാതയിൽ അലക്ഷ്യമായി സഞ്ചരിച്ച പോത്തുകളെ ടാങ്കർ ലോറിയും കാറും ഇടിച്ചു വീഴ്ത്തുകയായിരുന്നു.ആറ്റിങ്ങൽ സ്വദേശി രഞ്ജിത്തിന്റെയും കുളത്തൂർ സ്റ്റേഷൻകടവ് സ്വദേശി അൽ അമീനിന്റെയും ഉടമസ്ഥതയിലുള്ള പോത്തുകളാണ് ചത്തത്.ഏകദേശം മൂന്നര ലക്ഷത്തോളം വില വരുമെന്ന് ഉടമകൾ പറഞ്ഞു. ഒരു പോത്തിനെ ആദ്യം ടാങ്കർ ലോറി ഇടിച്ചു വീഴ്ത്തുകയും അതിനു പുറകെ വന്ന കാർ രണ്ടാമത്തെ പോത്തിനെ ഇടിക്കുകയുമായിരുന്നു. അപകടത്തെ തുടർന്ന് ദേശീയ പാതയിൽ ഗതാഗത തടസം നേരിട്ടു.പോത്തുകളെ പിന്നീട് ക്രെയ്ൻ ഉപയോഗിച്ച് അപകട സ്ഥലത്ത് നിന്ന് മാറ്റി.

Eng­lish Sum­ma­ry: Two buf­faloes died after being hit by a vehi­cle on the Kazhakootam Nation­al Highway

You may also like this video