ഭീമകൊറേഗാവ് കേസില് പ്രതിചേര്ക്കപ്പെട്ട് നാഗ്പൂര് ജയിലില് തടവിലാക്കപ്പെട്ട ഡൽഹി യൂണിവേഴ്സിറ്റി പ്രൊഫസർ ജി എൻ സായ്ബാബ ഉള്പ്പെടെ അഞ്ചുപേരെ ബോംബെ ഹൈക്കോടതിയുടെ നാഗ്പൂര് ബെഞ്ച് കുറ്റവിമുക്തരാക്കി.
2017ലെ സെഷൻസ് കോടതി ഉത്തരവ് ചോദ്യം ചെയ്ത് സായിബാബയും മറ്റുള്ളവരും നൽകിയ അപ്പീലിനെ തുടർന്നാണ് കോടതിയുടെ വിധി. പ്രൊഫസറെ 2022 ഒക്ടോബർ 14 ന് ഹൈക്കോടതിയുടെ മുൻ ബെഞ്ച് കുറ്റവിമുക്തനാക്കിയിരുന്നു. പിന്നീട് 2022 ലെ കുറ്റവിമുക്തനാക്കിയ ഉത്തരവ് സുപ്രീം കോടതി റദ്ദാക്കുകയും കേസ് വീണ്ടും പരിഗണിക്കുന്നതിനായി ഹൈക്കോടതിയിലേക്ക് മാറ്റുകയും ചെയ്തു.
പോളിയോ ബാധിതനായ പ്രൊഫ. സായിബാബ 90 ശതമാനം ശാരീരിക വൈകല്യമുള്ളയാളാണ്. കൂടാതെ പാൻക്രിയാറ്റിസ്, ഉയർന്ന രക്തസമ്മർദ്ദം, കാർഡിയോമയോപ്പതി, വിട്ടുമാറാത്ത നടുവേദന എന്നീ അസുഖബാധിതനാണ്. നിലവില് നാഗ്പൂർ സെൻട്രൽ ജയിലിലാണിദ്ദേഹം. മാവോവാദി ബന്ധം ആരോപിച്ച് 2014ലാണ് സായിബാബയെ അറസ്റ്റ് ചെയ്യുന്നത്. രാംലാല് ആനന്ദ് കോളജിലെ ഇംഗ്ലീഷ് വിഭാഗം പ്രൊഫസറായിരുന്നു സായ്ബാബ.
English Summary: UAPA case: Prof G N Saibaba acquitted
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.