ഉത്തരാഖണ്ഡിലെ ഉത്തരകാശിയില് നിര്മ്മാണത്തിലിരുന്ന സില്ക്യാര തുരങ്കത്തില് കുടുങ്ങിയ തൊഴിലാളികളുടെ ദൃശ്യങ്ങള് പുറത്തു വന്നു. എന്ഡോസ്കോപി ക്യാമറ തുരങ്കത്തിലൂടെ കടത്തിവിട്ടതിനെ തുടര്ന്നാണ് ദൃശ്യങ്ങള് പുറത്തു വന്നത്. തൊഴിലാളികള് ആരോഗ്യവാന്മാരാണെന്ന് രക്ഷാപ്രവര്ത്തകര് അറിയിച്ചു.
ഇടിഞ്ഞ തുരങ്കത്തിന്റെ അവശിഷ്ടങ്ങള്ക്കിടയിലൂടെ സ്ഥാപിച്ച ആറിഞ്ച് പൈപ്പിലൂടെയാണ് ക്യാമറ കടത്തിവിട്ടത്. തുരങ്കത്തില് കുടുങ്ങിയ തൊഴിലാളികളുമായി രക്ഷാപ്രവര്ത്തകര് വാക്കി ടോക്കിയിലൂടെ സംസാരിക്കുകയും ചെയ്തു.
ഭക്ഷണം, വെള്ളം, മരുന്ന് തുടങ്ങിയവ പൈപ്പിലൂടെ എത്തിച്ചു നല്കി. ഇന്നലെ കിച്ച്ഡി ഗ്ലാസ് ബോട്ടിലില് തൊഴിലാളികള്ക്ക് എത്തിച്ചു നല്കി. ഇതുവരെ ഡ്രൈ ഫ്രൂട്ട്സ് ആണ് നല്കിക്കൊണ്ടിരുന്നത്. 41 തൊഴിലാളികള് ടണലിനുള്ളില് കുടുങ്ങിക്കിടക്കുന്നത്.
തൊഴിലാളികളെ പുറത്തെത്തിക്കാനുള്ള ശ്രമം ഊര്ജ്ജിതമാക്കിയിട്ടുണ്ട്. മലമുകളില് നിന്ന് തുരന്ന് താഴേക്ക് ഇറങ്ങി തൊഴിലാളികളെ രക്ഷപ്പെടുത്താനുള്ള ശ്രമമാണ് നടക്കുന്നത്. രക്ഷാപ്രവര്ത്തനം ഏകോപിപ്പിക്കുന്നതിനായി അന്താരാഷ്ട്ര ടണലിങ് വിദഗ്ധന് അര്നോള്ഡ് ഡിക്സ് സ്ഥലത്തെത്തിയിട്ടുണ്ട്.
English Summary:Uttarkashi Tunnel; The footage of the trapped workers is out
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.