നിറഞ്ഞൊഴുകും നിലാമഴയിൽ
അലകളായ് വരും നിൻ ചിരിയിൽ,
ചന്ദ്രികേ,മനമലിഞ്ഞു നില്ക്കയായ്
പുതുരാഗലയംകണ്ടു മതിമറന്ന ഞാൻ.
ഹൃദയതന്ത്രിതൻ ശ്രുതികളൊക്കവേ
തരളഭാവംകൈക്കൊണ്ടുനില്ക്കവെ,
മധുമൊഴിയായ് മാറുന്നു നിൻ
കണ്ണിണകൾതൻ ലാസ്യനർത്തനം.
സ്വയംമറന്നു ഞാൻ ചുവടുവയ്ക്കവേ,
സുകൃതമെന്നപോലൊഴുകിയെത്തുന്നു,
മൃദുലമൃദുലമാമൊരു സ്പർശമെന്നിലും
പകർന്നുനല്കിയോളെൻ പ്രിയമാനസി.
വിടർന്നപുഞ്ചിരി പകർന്നു ചന്ദ്രിക,
പൂത്ത വാനത്തു പരിലസിക്കവേ
പടർന്നുമാനസി നിറഞ്ഞമാറിലും
സുഗന്ധപൂരിതം ഈ നിലാമഴ.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.