സാഹിത്യകാരൻ വി കെ എന്നിന്റെ (വടക്കേക്കൂട്ടാല നാരായണൻകുട്ടി നായര്) സഹധര്മ്മിണി പുതിയങ്കം മേതിൽ കുടുംബാംഗമായ വേദവതി അമ്മ (90) അന്തരിച്ചു. സംസ്കാരം ഇന്ന് ഉച്ചയ്ക്ക് രണ്ടിന് പാമ്പാടി ഐവർമഠം പൊതുശ്മശാനത്തിൽ നടക്കും. പാലക്കാട് പുതിയങ്കം മേതിൽ കുടുംബാംഗമായിരുന്നു വേദവതി. മക്കൾ: രഞ്ജന, പരേതനായ ബാലചന്ദ്രൻ. മരുമക്കൾ: പരേതനായ കൃഷ്ണകുമാർ (ആർമി എൻജിനീയർ), രമ. (വി കെ എൻ സ്മാരകം കെയർ ടേക്കർ). തലശ്ശേരിയിൽ മലബാർ ദേവസ്വം ബോർഡിൽ വി കെ എൻ ജോലി ചെയ്തിരുന്ന കാലത്താണ് ഇരുവരും കണ്ടുമുട്ടുന്നത്. ജീവിതയാത്രയിൽ നേരിടേണ്ടിവന്ന പ്രതിസന്ധികൾക്കിടയില് വേദവതിയമ്മ വി കെ എന്നിന് താങ്ങും തുണലുമായി.
വി കെ എന്നിന്റെ മരണശേഷം അദ്ദേഹത്തിന്റെ ഓർമകളും സ്മാരകത്തിനായുള്ള പരിശ്രമവുമായാണ് അവസാനശ്വാസം വരെ വേദവതി കഴിഞ്ഞത്. വി കെ എന്നിനെ കുറിച്ച് അറിയാനും പഠിക്കാനും അദ്ദേഹം ജീവിച്ച വീട് കാണാനും എത്തുന്നവരോടെല്ലാം വേദവതിയമ്മ ആ ഓർമകൾ പങ്കിടുക പതിവായിരുന്നു. അദ്ദേഹത്തെക്കുറിച്ച് നല്ലതുമാത്രം എഴുതണേ എന്നും അഭ്യർത്ഥിക്കുകയും ചെയ്യും.
English Sammury: VKN’s wife vedhvathi passed away
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.