13 June 2024, Thursday

മുകേഷ് ഖന്നയുടെ സ്ത്രീവിരുദ്ധ പരാമർശത്തിൽ ഇടപെട്ട് വനിതാ കമ്മിഷൻ

Janayugom Webdesk
ഡല്‍ഹി
August 11, 2022 6:18 pm

സ്ത്രീവിരുദ്ധ പരാമര്‍ശം നടത്തിയ ബോളിവുഡ് നടൻ മുകേഷ് ഖന്നയ്ക്കെതിരെ കേസ് എടുക്കാൻ നിര്‍ദ്ദേശം നല്‍കി ഡല്‍ഹി വനിതാ കമ്മിഷൻ. കഴിഞ്ഞ ദിവസമാണ് ശക്തിമാൻ എന്ന പരമ്പരയിലൂടെ പ്രശസ്തനായ മുകേഷ് ഖന്ന വിവാദ പരാമര്‍ശശം നടത്തിയത്. സെക്സിൽ താത്പര്യം ഉണ്ടെന്ന് പറയുന്ന പെണ്ണ് സെക്സ് റാക്കറ്റ് നടത്തുന്നവൾ ആണെന്നായിരുന്നു മുകേഷ് ഖന്നയുടെ വിവാദ പരാമർശം. ഇതിലാണ് വനിതാ കമ്മീഷൻ ഇടപെട്ടത്.

പ്രസ്താവന വിവാദത്തിലായതിനു ശേഷം അതിനെ ന്യായീകരിച്ച് മുകേഷ് ഖന്ന രംഗത്തെത്തിയിരുന്നു. “എനിക്കും പെൺകുട്ടികളിൽ നിന്ന് സന്ദേശങ്ങൾ വരാറുണ്ട്. എന്നോട് ചാറ്റ് ചെയ്യണമെന്ന് ആവശ്യപ്പെടുന്ന അവർ നഗ്ന ചിത്രങ്ങളും ആവശ്യപ്പെടാറുണ്ട്. അത് ശരിക്കും പെണ്ണാണോ ആണാണോ എന്ന് നമുക്കറിയില്ല. എനിക്കും മെസേജുകൾ വരാറുണ്ട്. ഞാൻ അവർക്ക് മറുപടി നൽകാറുമില്ല.”- മുകേഷ് ഖന്ന പറഞ്ഞു.

Eng­lish Sum­ma­ry: Wom­en’s Com­mis­sion inter­vened in Mukesh Khan­na’s misog­y­nist remarks
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.