ഒഡീഷയിലെ രായഗഡ ജില്ലയിലെ കാശിപൂർ ബ്ലോക്കിൽ കോളറ ബാധിച്ച് എട്ട് മരണം. നിരവധി പേർക്ക് ജലജന്യ രോഗം ബാധിക്കുകയും ചെയ്തതായി അധികൃതര് അറിയിച്ചു. കാശിപ്പൂരിലെ എട്ട് പഞ്ചായത്തുകളിൽ ആറിലും കോളറ കേസുകൾ റിപ്പോർട്ട് ചെയ്തിട്ടുണ്ട്.
നിലവില് 104 പേര് ആശുപത്രിയിൽ ചികിത്സയില് കഴിയുന്നതായി ആരോഗ്യ വകുപ്പ് വ്യക്തമാക്കി. ദുഡുകബഹൽ പഞ്ചായത്തിൽ 65 പേർക്കും ടിക്കിരി പഞ്ചായത്തിൽ 48 പേർക്കുമാണ് ജലജന്യരോഗം ബാധിച്ചത്.
കാശിപൂർ ബ്ലോക്കിൽ നിന്ന് ശേഖരിച്ച വെള്ളത്തിന്റെ സാമ്പിളുകളിലും ബാക്ടീരിയയുടെ സാന്നിധ്യം കണ്ടെത്തിയതായി അധികൃതര് പറഞ്ഞു. കാശിപൂരിലെ രണ്ട് ഗ്രാമങ്ങളിലായി താൽക്കാലിക മെഡിക്കൽ ക്യാമ്പുകൾ ആരംഭിച്ചിട്ടുണ്ട്.
രോഗികളെ തിരിച്ചറിയുന്നതിനും രോഗബാധിത ഗ്രാമങ്ങളിൽ വീടുവീടാന്തരം മരുന്നുകൾ വിതരണം ചെയ്യുന്നതിനും ഗ്രാമങ്ങളിൽ ബോധവൽക്കരണ പ്രവർത്തനങ്ങൾ നടത്തുന്നതിനുമായി ആശാ, അങ്കണവാടി പ്രവർത്തകരെ ജില്ലാ ഭരണകൂടം ഏര്പ്പെടുത്തിയിട്ടുണ്ട്. അടിയന്തര ആവശ്യങ്ങൾക്കായി ഹെൽപ്പ് ലൈൻ നമ്പറും നൽകിയിട്ടുണ്ട്.
English summary;8 dead, many infected amid Cholera outbreak in Odisha
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.