തിരുച്ചിറപ്പള്ളി അരിയല്ലൂർ യാർഡിൽ നവീകരണവുമായി ബന്ധപ്പെട്ട് ഈ മാസം 26 മുതൽ ജനുവരി 15 വരെ വിവിധ ട്രെയിനുകളുടെ സർവീസുകളിൽ മാറ്റമുണ്ടാകും. ചെന്നൈയിൽ നിന്ന് രാവിലെ ഒൻപതിന് പുറപ്പെടുന്ന ചെന്നൈ- ഗുരുവായൂർ പ്രതിദിന സർവീസ് 26 മുതൽ ജനുവരി 10 വരെ (30 ഒഴികെയുള്ള ദിവസങ്ങളിൽ) വിരുദാചലം ഒഴിവാക്കി വില്ലുപുരം, കുംഭകോണം വഴി സർവീസ് നടത്തും. ജനുവരി ഒൻപതിനുള്ള ഗുരുവായൂർ- ചെന്നൈ എക്സ്പ്രസ് ശ്രീരംഗം ഒഴിവാക്കി തിരുച്ചിറപ്പള്ളി, തഞ്ചാവൂർ വഴി സർവീസ് നടത്തും.
മധുര- ചെന്നൈ എക്സ്പ്രസ് 30, 31, ജനുവരി ആറ് തീയതികളിൽ താംബരം വരെ സർവീസ് നടത്തും. ചെന്നൈ എഗ്മോർ- കാരൈക്കുടി പല്ലവൻ എക്സ്പ്രസ് ഈ തീയതികളിൽ താംബരത്ത് നിന്നു പുറപ്പെടും. ജനുവരി ആറിന് രാവിലെ ആറിനുള്ള നാഗർകോവിൽ- മുംബൈ എക്സ്പ്രസ് 40 മിനിറ്റ് വൈകി പുറപ്പെടും. ചെന്നൈ- മധുര വൈഗൈ എക്സ്പ്രസ് ജനുവരി 10നും ലോകമാന്യതിലക്- മധുര എക്സ്പ്രസ് ജനുവരി അഞ്ചിനും യഥാക്രമം 20, 75 മിനിറ്റുകൾ വൈകി പുറപ്പെടും.
English summary; Change in train services from 26th
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.