സൂചിക്കെതിരെ വീണ്ടും അഴിമതിക്കേസ്

മ്യാൻമർ ജനകീയ നേതാവ് ഓങ് സാൻ സൂചി​ക്കെതിരെ 11ാമത്തെ അഴിമതിക്കേസ് കൂടി ചുമത്താനൊരുങ്ങി സൈ­നിക ഭരണകൂടം. കൈക്കൂലി വാങ്ങിയത് മറച്ചുവച്ചുവെന്നാരോപിച്ചാണ് പു­തിയ കേസ്. 15 വർഷം തടവുശിക്ഷ ലഭിക്കാവുന്ന കുറ്റമാണിത്. സൂചിക്കെതിരായ കേസുകൾ അടിസ്ഥാനമില്ലാത്തതാണെന്ന് അവരുടെ അനുയായികളും മനുഷ്യാവകാശ സംഘങ്ങളും വ്യക്തമാക്കിയിരുന്നു.

2023ൽ മ്യാന്‍മറിൽ നടക്കാനിരിക്കുന്ന തെരഞ്ഞെടുപ്പില്‍ നിന്ന് സൂചിയെ വിലക്കുകയാണ് സെെന്യത്തിന്റെ ലക്ഷ്യം. ലൈസൻസില്ലാതെ വാക്കിടോക്കി കൈവശം ​വച്ചതിനും കോവിഡ് നിയന്ത്രണങ്ങൾ ലംഘിച്ചതിനും ആറുവർഷം തടവുശിക്ഷ അനുഭവിക്കുകയാണ് സൂചി. ഔദ്യോഗിക രഹസ്യ നിയമങ്ങൾ ലംഘിച്ച കുറ്റത്തിന് വിചാരണ നേരിടുന്നുമുണ്ട്.

കുറ്റം തെളിഞ്ഞാൽ 14 വർഷം വരെ തടവുശിക്ഷ ലഭിക്കാം. രക്തസമ്മർദ്ദം താഴ്ന്ന് കടുത്ത ക്ഷീണമുള്ളതിനാൽ 76കാരിയായ സൂചിക്കെതിരെ ചുമത്തിയ കേസി​ന്റെ വിചാരണ വ്യാഴാഴ്ച മാറ്റിയിരുന്നു. അവരുടെ ആരോഗ്യനിലയെ കുറിച്ചുള്ള കൂടുതൽ വിവരങ്ങൾ സൈന്യം പുറത്തുവിടുന്നില്ല. എന്നാൽ വെള്ളിയാഴ്ച അഞ്ച് അഴിമതിക്കേസുകളിൽ വിചാരണ പുനരാരംഭിച്ചിട്ടുണ്ട്.

eng­lish sum­ma­ry; Cor­rup­tion case again against the Aung San Suu Kyi

you may also like this video;