ഉമര്‍ ഖാലിദിനെ കോടതിയില്‍ ഹാജരാക്കുമ്പോള്‍ കൈവിലങ്ങ് ധരിപ്പിക്കരുതെന്ന് കോടതി ഉത്തരവുകളുണ്ടായിട്ടും ഡല്‍ഹി പൊലീസ് കൈവിലങ്ങ് ധരിപ്പിക്കുന്നത് തുടരുന്നുവെന്ന് റിപ്പോര്‍ട്ട്. കഴിഞ്ഞ ദിവസം അഡീഷണല്‍ സെഷന്‍സ് കോടതിയില്‍ ഉമര്‍ ഖാലിദിനെ ഹാജരാക്കിയതും കൈവിലങ്ങ് ധരിപ്പിച്ചുകൊണ്ടായിരുന്നു.
ഉമര്‍ ഖാലിദിനെ കോടതിയില്‍ ഹാജരാക്കുമ്പോള്‍ കാല്‍വിലങ്ങോ കൈവിലങ്ങോ ഇടേണ്ടതില്ലെന്ന് ജനുവരി 17ന് പട്യാല ഹൗസ് ചീഫ് മെട്രോപോളിറ്റന്‍ മജിസ്ട്രേറ്റ് പങ്കജ് ശര്‍മ്മ ഉത്തരവിട്ടിരുന്നു.
ഉമര്‍ ഖാലിദ് ഒരു മാഫിയാ തലവനോ ഏതെങ്കിലും കേസില്‍ ശിക്ഷിക്കപ്പെട്ടയാള്‍ പോലുമല്ലെന്ന് ചൂണ്ടിക്കാട്ടി, ജൂണ്‍ മാസത്തില്‍ ഇത് സംബന്ധിച്ച് പൊലീസിന്റെ ഒരു അപേക്ഷ തള്ളിക്കൊണ്ട് അഡീഷണല്‍ സെഷന്‍സ് ജഡ്ജി വിനോദ് യാദവും ഉത്തരവിട്ടിരുന്നു. എന്നാല്‍ ഏപ്രില്‍ ഏഴിന് പാസാക്കിയ ഒരു ഉത്തരവ് അനുസരിച്ചാണ് കൈവിലങ്ങ് ധരിപ്പിച്ച് കോടതിയില്‍ ഹാജരാക്കുന്നതെന്നാണ് പൊലീസിന്റെ വാദം. വിഷയം കോടതിയില്‍ ഉന്നയിക്കാനുള്ള തീരുമാനത്തിലാണ് ഉമര്‍ ഖാലിദിന്റെ അഭിഭാഷകര്‍.
English Summary:Umar Khalid to be produced in court with handcuffs
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.