ഇലയിൽ മൂക്കു മുട്ടിച്ച്
നോക്കുമ്പോഴൊക്കെ
പച്ചപ്പടർപ്പിന്റെ ഒരു കാട്
ഉണങ്ങാത്ത നീല ഞരമ്പുകൾ
ചുവന്നു മുറുക്കിയ
തെച്ചിപ്പൂവുകൾ
തെളിഞ്ഞു വരുന്നു
മണ്ണിൽ മൂക്കു മുട്ടിച്ച്
നോക്കുമ്പോഴൊക്കെ
വിയർപ്പിന്റെ ഗന്ധം
അടങ്ങാത്ത ദാഹം
കിളിർക്കാത്ത നാമ്പ്
ഓടിത്തളർന്ന പാദം
ചുരുണ്ടുരുണ്ട് വലിച്ചെടുക്കാൻ
വെമ്പുന്ന രണ്ടു കയ്യുകൾ
നീരിൽ മൂക്കു മുട്ടിച്ച്
നോക്കുമ്പോഴൊക്കെ
അഗാധ ഗർത്തങ്ങൾ
പരൽക്കണ്ണികൾ
നക്ഷത്ര മത്സ്യങ്ങൾ
വീഴരുത് വീഴരുതെന്ന്
താങ്ങാനൊരു ജലകന്യക
ഭൂമിയിൽ കാൽ വെക്കൂ
ആകാശത്ത് മൂക്ക് മുട്ടിക്കൂ
പറക്കുക വീണ്ടും പറക്കുക
എന്നും പറഞ്ഞൊരാൾ
കൈ പിടിച്ച് നിഴൽ
ശേഷിപ്പിക്കാതെ
ഇരമ്പമായ്
മറഞ്ഞു നിൽക്കുന്നു
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.