21 April 2024, Sunday

ഒരു പഴത്തൊലി മാത്രം

കണിയാപുരം നാസറുദ്ദീൻ
June 11, 2023 2:59 am

ഒരു പഴത്തൊലി മാത്രം മതി
ഒരു കവിത പിറക്കാൻ
ഒരു കവി ജനിക്കാൻ
കവികൾ ഇല്ലാഞ്ഞിട്ടല്ല
റോഡിൽശീതീകരിച്ച
വാഹനത്തിൽ സഞ്ചരിച്ച
അവർ വലിച്ചെറിഞ്ഞ
പഴത്തൊലി ഒന്നു മതി
കവിതയാകാൻ
ഭക്ഷണം കഴിക്കാൻ
വീട്ടിൽ ഇടം ഇല്ലാഞ്ഞിട്ടല്ല
യാത്രയിൽ വിശന്നിട്ടുമല്ല
ഒരു ചെയ്ഞ്ച്
അത്ര മാത്രമേ
അവരും കരുതിയുള്ളൂ
എങ്കിലും
അതിവേഗം
ആ പഴത്തൊലി
പഴത്തിൽ നിന്ന്
കുതറി ചാടി
പുറത്തേക്ക് വീഴുകയായിരുന്നു
ഉടലിൽ നിന്ന്
ഉടയാട
എന്നപോലെ
പഴത്തൊലി
വീണത് എവിടെയാണ്
റോഡിന്റെ നടുവിൽ
മറ്റെവിടെയെങ്കിലും
എറിയാമായിരുന്നില്ലേ
എന്നിട്ടും
നടുവിൽ വീണതുകൊണ്ട്
ഇതാ ഇവിടെ
ഒരു കവിത പിറക്കുകയാണ്
ഒരു കവിയും പിറക്കുകയാണ്
പഞ്ഞമുണ്ടായിട്ടല്ല
എന്നിട്ടും… 

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.