സുപ്രീം കോടതി സ്റ്റേ ലംഘിച്ച് ഒഴിപ്പിക്കൽ; പ്രതിഷേധം ശക്തം

ജഹാംഗിർപുരിയില്‍ സുപ്രീം കോടതി വിലക്കു ലംഘിച്ചും ഇടിച്ചുനിരത്തൽ തുടർന്ന് മുനിസിപ്പൽ അധികൃതർ. ഇതിനെതിരെ പ്രതിഷേധം ശക്തമായതോടെ സ്ഥലത്ത് സംഘർഷാവസ്ഥ ഉടലെടുത്തു.

ഉച്ചയോടെ പ്രശ്നത്തിൽ വീണ്ടും ഇടപെട്ട സുപ്രീം കോടതി സ്റ്റേ ഉത്തരവ് അടിയന്തരമായി അധികൃതർക്ക് എത്തിച്ചുനൽകാൻ സെക്രട്ടറി ജനറലിന് നിർദേശം നൽകി. തുടർന്ന് പൊളിക്കൽ നടപടികൾ നിർത്തിവച്ചു.

രാവിലെ വൻ സന്നാഹങ്ങളുമായി മുനിസിപ്പൽ അധികൃതർ പൊളിച്ചുനീക്കൽ തുടങ്ങിയതിനു പിന്നാലെയാണ് തൽസ്ഥിതി തുടരാൻ ചീഫ് ജസ്റ്റിസ് എൻ വി രമണയുടെ ഉത്തരവ് വന്നത്. കോടതി ചേർന്നയുടൻ സീനിയർ അഭിഭാഷകൻ ദുഷ്യന്ത് ദവെ വിഷയം കോടതിയുടെ ശ്രദ്ധയിൽ പെടുത്തുകയായിരുന്നു.

Eng­lish summary;Eviction in vio­la­tion of Supreme Court stay; The protest is strong

You may also like this video;