കെഎസ്ആർടിസിയിലെ ശമ്പള പ്രതിസന്ധി ഉൾപ്പെടെയുള്ള ജീവനക്കാരുടെ വിവിധ വിഷയങ്ങൾ ഉയർത്തി ട്രേഡ് യൂണിയനുകൾ പ്രഖ്യാപിച്ച 24 മണിക്കൂർ സൂചനാ പണിമുടക്ക് ഇന്ന് അര്‍ദ്ധരാത്രി മുതല്‍. എഐടിയുസി, ഐഎൻടിയുസി, ബിഎംഎസ് എന്നീ സംഘടനകൾ പ്രഖ്യാപിച്ച സൂചനാ പണിമുടക്ക് നാളെ അർധരാത്രിവരെ തുടരും.
എഐടിയുസി ഏപ്രിൽ 25ന് നിയമപ്രകാരം മാനേജുമെന്റിന് പണിമുടക്ക് കത്ത് നൽകിയിരുന്നു. ശമ്പള പ്രതിസന്ധിയടക്കം ജീവനക്കാരെ ബാധിക്കുന്ന വിവിധ വിഷയങ്ങൾ ഉന്നയിച്ചുള്ള പണിമുടക്കിൽ സിഐടിയു സഹകരിക്കില്ല. സംഘടനകളുമായി മന്ത്രി ആന്റണി രാജു നടത്തിയ ചർച്ച പരാജയപ്പെടുകയായിരുന്നു.
മാധ്യമങ്ങൾക്കു മുന്നിൽ ഗതാഗത മന്ത്രി പറഞ്ഞ വാക്ക് പാലിച്ചില്ലെന്നും ശമ്പളകാര്യത്തിൽ ഉറപ്പ് ലഭിച്ചില്ലെന്നും ഗതികേടുകൊണ്ടാണ് സമരം ചെയ്യേണ്ടി വരുന്നതെന്നും സംഘടനാ നേതാക്കൾ മാധ്യമങ്ങളോട് പറഞ്ഞു. പണിമുടക്ക് നേരിടാൻ ഡയസ് നോൺ അടക്കമുള്ള നടപടികൾ കെഎസ്ആർടിസി മാനേജുമെന്റ് പ്രഖ്യാപിച്ചു. സൂചനാ പണിമുടക്ക് കൊണ്ടു ഫലമുണ്ടായില്ലെങ്കിൽ വലിയ പ്രക്ഷോഭം നടത്താനാണ് സംഘടനകളുടെ തീരുമാനം.
English summary; ksrtc strike
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.