ചേർത്തല സെന്റ് മേരീസ് പാലത്തിന്റെ നിർമ്മാണോദ്ഘാടനം പൊതുമരാമത്ത് ‑ടൂറിസം മന്ത്രി പി എ മുഹമ്മദ് റിയാസ് നിർവഹിച്ചു. എ എസ് കനാലിന് കുറുകെ സ്വകാര്യ ബസ്സ്റ്റാൻഡിനു സമീപത്തെ അരനൂറ്റാണ്ട് പഴക്കമുള്ള പാലം പൊളിച്ചു നീക്കി 6.33 കോടി രൂപ ചെലവിലാണ് പുതിയ പാലം നിർമ്മിക്കുന്നത്. 24 മീറ്ററാണ് പുതിയ പാലത്തിന്റെ നീളം. വാഹന സഞ്ചാരത്തിന് 10.50 മീറ്റർ വീതിയുള്ള പാതയും ഇരുവശങ്ങളിലും ഒന്നര മീറ്റർ വീതിയിൽ നടപ്പാതയും നിർമിക്കും.
10 മാസം കൊണ്ട് നിർമ്മാണം പൂർത്തിയാക്കാനാണ് ഉദ്ദേശിക്കുന്നത്. ചടങ്ങിൽ കൃഷി മന്ത്രി പി പ്രസാദ് അധ്യക്ഷത വഹിച്ചു. എ എം ആരിഫ് എം പി മുഖ്യാതിഥിയായിരുന്നു. ചേർത്തല നഗരസഭ ചെയർപേഴ്സൺ ഷേർളി ഭാർഗവൻ, വൈസ് ചെയർമാൻ ടി എസ് അജയകുമാർ, നഗരസഭാംഗങ്ങളായ ലിസി ടോമി, രാജശ്രീ ജ്യോതിഷ്, പൊതുമരാമത്ത് (പാലം വിഭാഗം), സൂപ്രണ്ടിംഗ് എൻജിനീയർ ദീപ്തി ഭാനു, പൊതുമരാമത്ത് (പാലം വിഭാഗം), ദക്ഷിണ മേഖല എക്സിക്യൂട്ടീവ് എൻജിനീയർ കെ ബിനി, ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.