1 March 2024, Friday

Related news

January 30, 2024
January 30, 2024
January 8, 2024
January 5, 2024
December 28, 2023
December 23, 2023
December 21, 2023
December 19, 2023
December 18, 2023
November 29, 2023

എഐവൈഎഫ് സംസ്ഥാന സമ്മേളനത്തിന് കണ്ണൂരിൽ ഇന്ന് പതാക ഉയരും

Janayugom Webdesk
കണ്ണൂർ
December 2, 2021 8:36 am

വരും നാളുകളിൽ ഏറ്റെടുക്കേണ്ട സമര സംഘടനാ പ്രവർത്തനങ്ങൾക്കും ക്യാമ്പയിനുകൾക്കും കെട്ടുറപ്പുള്ള സംഘടനാ സംവിധാനത്തിന്റെ തുടർച്ചകൾക്കും രൂപം നല്കുന്നതിനായി എഐവൈഎഫ് ഇരുപത്തിയൊന്നാം സംസ്ഥാന സമ്മേളനത്തിന് കണ്ണൂരിൽ ഇന്ന് പതാക ഉയരും. സമ്മേളനത്തിന്റെ മുന്നൊരുക്കങ്ങളെല്ലാം സംഘാടക സമിതിയുടെ നേതൃത്വത്തിൽ സമയ ബന്ധിതമായി പൂർത്തിയാക്കി.

ഇന്ന് വൈകീട്ട് നാലിന് കണ്ണൂർ ടൗൺ സ്‌ക്വയറിൽ പ്രത്യേകം തയാറാക്കിയ പ്രദീപ് പുതുക്കുടി നഗറിൽ പതാക‑കൊടിമരം-ദീപശിഖ ജാഥകളുടെ സംഗമം നടക്കും. കുടപ്പനക്കുന്ന് ജയപ്രകാശ് സ്മൃതിമണ്ഡപത്തിൽ വച്ച് ജി ആർ അനിൽ, അരുൺ കെ എസിനെ ഏൽപ്പിച്ച പതാക സിപിഐ കണ്ണൂർ ജില്ലാ സെക്രട്ടറിയും സ്വാഗതസംഘം ചെയർമാനുമായ അഡ്വ. പി സന്തോഷ് കുമാർ ഏറ്റുവാങ്ങും. തുടർന്ന് എഐവൈഎഫ് സംസ്ഥാന പ്രസിഡന്റ് ആർ സജിലാൽ പതാക ഉയർത്തും. 4.30ന് ആരംഭിക്കുന്ന പൊതുസമ്മേളനം സിപിഐ സംസ്ഥാന സെക്രട്ടറി കാനം രാജേന്ദ്രൻ ഉദ്ഘാടനം ചെയ്യും.

നാളെ രാവിലെ പത്തിന് ഗുരുദാസ് ദാസ് ഗുപ്ത നഗറിൽ(റബ്കോ ഓഡിറ്റോറിയം) പ്രതിനിധി സമ്മേളനം ആരംഭിക്കും. ദി ടെലിഗ്രാഫ് (കൊൽക്കത്ത) എഡിറ്റർ ആർ രാജഗോപാൽ പ്രതിനിധി സമ്മേളനം ഉദ്ഘാടനം ചെയ്യും. ക്ഷണിതാക്കളടക്കം തെരഞ്ഞെടുക്കപ്പെട്ട 400 പ്രതിനിധികൾ സമ്മേളനത്തിൽ പങ്കെടുക്കും.
Eng­lish sum­ma­ry; AIYF state con­fer­ence in Kannur
you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.