29 May 2024, Wednesday

Related news

May 20, 2024
May 19, 2024
May 9, 2024
April 19, 2024
January 12, 2024
January 1, 2024
December 30, 2023
December 27, 2023
December 24, 2023
December 23, 2023

കശ്മീരില്‍ വീണ്ടും ഭീകരാക്രമണം

Janayugom Webdesk
ശ്രീനഗര്‍
January 12, 2024 11:03 pm

ജമ്മു കശ്മീരിലെ പൂഞ്ചില്‍ വീണ്ടും ഭീകരാക്രമണം. സൈനിക വാഹനങ്ങള്‍ക്ക് നേരെയാണ് ഇന്നലെ വൈകുന്നേരം ആക്രമണമുണ്ടായത്. സൈനികര്‍ തിരിച്ച് വെടിയുതിര്‍ത്തു. ആദ്യഘട്ട വെടിവയ്പിന് ശേഷം ഭീകരര്‍ രക്ഷപ്പെട്ടതായാണ് വിവരം. മേഖലയില്‍ സൈന്യം തിരച്ചില്‍ ശക്തമാക്കി. നോര്‍ത്തേണ്‍ കമാന്‍ഡ് ലഫ്റ്റനന്റ് ജനറല്‍ ഉപേന്ദ്ര ദ്വിവേദി ഉള്‍പ്പെടെയുള്ള ഉന്നതതല ഉദ്യോഗസ്ഥര്‍ സഞ്ചരിച്ചിരുന്ന വാഹനത്തിന് നേരെയാണ് ആക്രമണമുണ്ടായത്. പൂഞ്ചില്‍ തുടര്‍ച്ചയായുണ്ടാകുന്ന ഭീകരാക്രമണങ്ങളെ ചെറുക്കുന്നതിനുള്ള നീക്കങ്ങള്‍ ആസൂത്രണം ചെയ്യുന്നതിനാണ് ഉന്നത ഉദ്യോഗസ്ഥര്‍ മേഖലയിലെത്തിയത്.

കഴിഞ്ഞ ഏതാനും ആഴ്ചയ്ക്കിടെ മേഖലയില്‍ സൈന്യത്തിന് നേരെയുണ്ടാകുന്ന രണ്ടാമത്തെ ആക്രമണമാണിത്. രജൗരിയിലെ ധേര കി ഗലിയിലുണ്ടായ ആക്രമണത്തില്‍ അഞ്ച് സൈനികര്‍ കൊല്ലപ്പെടുകയും അഞ്ച് പേര്‍ക്ക് പരിക്കേല്‍ക്കുകയും ചെയ്തിരുന്നു. ഇവിടെ നിന്ന് 40 കിലോമീറ്റര്‍ അകലെയാണ് ഇന്നലെ ആക്രമണം നടന്ന കൃഷ്ണഗഡി സെക്ടര്‍. രജൗരിയും പൂഞ്ചും ഉള്‍പ്പെടുന്ന പിര്‍ പഞ്ചല്‍ മേഖല 2003 മുതല്‍ ഭീകരാക്രമണമുക്തമായിരുന്നു. 2021ന് ശേഷം നിരവധി ആക്രമണങ്ങള്‍ക്ക് പ്രദേശം സാക്ഷിയായി. കഴിഞ്ഞ ഏഴ് മാസത്തിനിടെ 20 സൈനികരാണ് ഇവിടെ കൊല്ലപ്പെട്ടത്. കഴിഞ്ഞ രണ്ടു വര്‍ഷത്തിനിടെ 35 സൈനികര്‍ കൊല്ലപ്പെട്ടു. 

Eng­lish Sum­ma­ry; Anoth­er ter­ror­ist attack in Kashmir
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.