December 3, 2022 Saturday

Related news

December 3, 2022
December 2, 2022
December 2, 2022
December 2, 2022
December 2, 2022
December 1, 2022
December 1, 2022
December 1, 2022
November 30, 2022
November 30, 2022

ഹണിട്രാപില്‍ കുടുങ്ങി രഹസ്യം കൈമാറി : കരസേന അക്കൗണ്ടന്റ് അറസ്റ്റില്‍

Janayugom Webdesk
ആഗ്ര
October 6, 2022 8:10 pm

പാകിസ്ഥാന്‍ സ്വദേശിയായ യുവതിക്ക് സായുധ സേനയുടെ രഹസ്യവിവരങ്ങള്‍ കെെമാറിയ സംഭവത്തില്‍ കരസേന അക്കൗണ്ടന്റ് അറസ്റ്റില്‍. റൂര്‍ക്കിയിലെ സെെനിക ഓഫീസില്‍ അക്കൗണ്ട്സ് ഓഫീസറായ ഇമാമി ഖാനെയാണ് ആര്‍മി ഇന്റലിജന്‍സ് വിഭാഗം കസ്റ്റഡിയിലെടുത്തത്.

ഓണ്‍ലെെന്‍ വഴി പരിചയപ്പെട്ട പാകിസ്ഥാന്‍ യുവതിയ്ക്കാണ് ഇമാമി ഖാന്‍ രഹസ്യവിവരങ്ങള്‍ കെെമാറിയത്. മെയ് 16 മുതല്‍ ജൂണ്‍ 20 വരെയുള്ള കാലയളവില്‍ 230 സന്ദേശങ്ങളാണ് ഖാന്‍ യുവതിക്ക് അയച്ചത്. വിവരം നല്‍കാനായി യുവതി വന്‍ തുക ഖാന് വാഗ്‍ധാനം ചെയ്തതായും ഇന്റലിജന്‍സ് അറിയിച്ചു. വിവരങ്ങള്‍ കെെമാറുന്ന സമയത്ത് റൂര്‍ക്കിയില്‍ നിന്ന് ആഗ്ര കന്റോണ്‍മെന്റിലേക്ക് ഇമാമി ഖാനെ മാറ്റി നിയമിച്ചിരുന്നു.

ആഗ്ര കന്റോൺമെന്റിനെക്കുറിച്ചുള്ള രഹസ്യവിവരങ്ങൾ യുവതിയുമായി പങ്കുവച്ചതായും, റൂർക്കിയിലെ ഓഫീസിൽ നിന്ന് രേഖകൾ അയച്ചുകൊടുക്കുകയും ചെയ്തതായി കരസേന ഇന്റലിജെന്‍സ് കണ്ടെത്തി. ഖാനെതിരെ ക്രിമനല്‍ കേസ് ഫയല്‍ ചെയ്തിട്ടുണ്ട്. സെെന്യത്തില്‍ നിന്ന് അനുമതി ലഭിക്കുന്ന മുറയ്ക്ക് വിചാരണ ആരംഭിക്കുമെന്ന് ആഗ്ര പൊലീസ് പറഞ്ഞു. നിലവില്‍ ആര്‍മി ഇന്റലിജന്‍സിന്റെ കസ്റ്റഡിയിലാണ് ഇമാമി ഖാന്‍.

Eng­lish Sum­ma­ry: Army accoun­tant arrest­ed for shar­ing con­fi­den­tial infor­ma­tion with Pak woman
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.