അസമില്‍ ദുരന്തം വിതച്ചുണ്ടായ പ്രളയത്തില്‍ മരിച്ചവരുടെ എണ്ണം ഏഴായി. പ്രളയം 20 ജില്ലകളിലെ രണ്ട് ലക്ഷത്തോളം ആളുകളെ പ്രളയം ബാധിച്ചതായി ഔദ്യോഗികവൃത്തങ്ങള്‍ അറിയിച്ചു. മണ്ണിടിച്ചിലിനെത്തുടർന്ന് റെയിൽ, റോഡ് ബന്ധങ്ങൾ വിച്ഛേദിക്കപ്പെട്ടു. മലയോര ജില്ലയായ ദിമ ഹസാവോ പ്രളയത്തില്‍ ഒറ്റപ്പെട്ടു. റെയിൽവേ ട്രാക്കുകളുടെ പുനരുദ്ധാരണ പ്രവർത്തനങ്ങൾ നടക്കുന്നതിനാൽ 18 ഓളം ട്രെയിനുകൾ റദ്ദാക്കി.
നിരവധി പ്രദേശങ്ങളിൽ റോഡുകളും പാലങ്ങളും പൂര്‍ണമായോ ഭാഗികമായോ തകർന്നതായി ഔദ്യോഗികവൃത്തങ്ങള്‍ വ്യക്തമാക്കി. ദിമാ ഹസാവോയിലെ ലുംഡിംഗ്-ബദർപൂർ സെക്ഷനിൽ കുടുങ്ങിയ രണ്ട് ട്രെയിനുകളിലെ 2,800 യാത്രക്കാരെ ഇന്ത്യൻ റെയിൽവേ വ്യോമസേനയുടെ സഹായത്തോടെ രക്ഷപ്പെടുത്തി.
സംസ്ഥാനത്തെ ആശയവിനിമയ സംവിധാനങ്ങളും തകരാറിലായി. ദേശീയ ദുരന്ത നിവാരണ സേന (എൻഡിആർഎഫ്), സംസ്ഥാന ദുരന്ത നിവാരണ സേന (എസ്ഡിആർഎഫ്), ഫയർ ആൻഡ് എമർജൻസി സർവീസസ് എന്നിവർ വെള്ളപ്പൊക്ക ബാധിത പ്രദേശങ്ങളിൽ രക്ഷാപ്രവർത്തനത്തിനായി എത്തിയിട്ടുണ്ട്.
English Summary: Assam floods: Death toll rises to seven: Extreme levels of flood danger in Andhra Pradesh
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.