പാകിസ്ഥാനിലുണ്ടായ പ്രളയത്തില്‍ മരിച്ചവരുടെ എണ്ണം 1200 കടന്നു. ആയിരക്കണക്കിന് വീടുകള്‍ തകര്‍ന്നു. പാര്‍പ്പിട സൗകര്യങ്ങള്‍ നഷ്ടപ്പെട്ടതോടെ ജനങ്ങള്‍ പകര്‍ച്ചവ്യാധിയുടെ പിടിയിലാണ്. ഏകദേശം 30 ലക്ഷം ജനങ്ങളെയാണ് വെള്ളപ്പൊക്കം ബാധിച്ചത്.
വിദേശരാജ്യങ്ങളില്‍ നിന്ന് പാകിസ്ഥാനിലേക്കുള്ള സഹായങ്ങള്‍ തുടരുകയാണ്. യുഎഇയില്‍ നിന്നുള്ള സഹായങ്ങളുമായി ഒമ്പതാമത്തെ വിമാനവും പാകിസ്ഥാനിലെത്തി. ഉസ്ബെക്കിസ്ഥാനില്‍ നിന്ന് സൈനികര്‍ ഉള്‍പ്പെടുന്ന രക്ഷാപ്രവര്‍ത്തക സംഘം ഉടന്‍ എത്തിച്ചേരും.
അപ്രതീക്ഷിത മഴയ്ക്കും വെള്ളപ്പൊക്കത്തിനും കാരണം കാലാവസ്ഥാ വ്യതിയാനമായിരിക്കാമെന്ന് യുഎന്‍ സെക്രട്ടറി ജനറല്‍ അന്റോണിയോ ഗുട്ടറസ് പറഞ്ഞു.
ചൈന, സൗദി അറേബ്യ, ഖത്തര്‍, തുര്‍ക്കി, തുടങ്ങിയ രാജ്യങ്ങളില്‍ നിന്ന് പാകിസ്ഥാനിലേക്ക് സഹായമെത്തിച്ചിരുന്നു. വെള്ളപ്പൊക്ക ദുരന്തബാധിതര്‍ക്ക് 30 മില്യണ്‍ ഡോളറിന്റെ സഹായം നല്‍കുമെന്ന് യുഎസ് പ്രഖ്യാപിച്ചു.
English Summary: Pakistan flood; The death toll has crossed 1,200
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.