സഹപ്രവര്‍ത്തകന്‍ വെടിയുതിര്‍ത്തു; അഞ്ച് ജവാന്മാര്‍ കൊല്ലപ്പെട്ടു, ഒരാളുടെ നില ഗുരുതരം

ജവാൻമാരുടെ മെസ്സിലുണ്ടായ വെടിവെപ്പില്‍ അഞ്ച് ബിഎസ്എഫ് ജവാൻമാർ കൊല്ലപ്പെട്ടു. പഞ്ചാബിലെ അമൃത്സറിലാണ് സംഭവം. വെടിയുതിർത്ത ജവാനും മരിച്ചവരില്‍ ഉൾപ്പെടുന്നു. ഞായറാഴ്ച രാവിലെയാണ് വെടിവയ്പ്പുണ്ടായത്.
അമൃത്സറിലുള്ള ഖാസ ഗ്രാമത്തിലെ ബിഎസ്എഫിന്റെ മെസ്സിലാണ് വെടിവെപ്പുണ്ടായതെന്നാണ് വിവരം. നിരവധി ജവാൻമാർക്ക് പരിക്കേറ്റതായാണ് വിവരം. ഒരാളുടെ നില ഗുരുതരമാണ്.
ഖാസയിലെ 144-ാം ബറ്റാലിയനിലെ കേഡറ്റായിരുന്ന സത്തേപ്പ എസ്‌കെ എന്ന ജവാനാണ് മെസ്സിലുണ്ടായിരുന്നവർക്ക് നേരെ വെടിയുതിർത്തത്. പരിക്കേറ്റവരെ ഗുരുനാനാക് ദേവ് ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവത്തിൽ അന്വേഷണം ആരംഭിച്ചതായി പൊലീസ് അറിയിച്ചു.

Eng­lish Sum­ma­ry: Col­league fired; Five sol­diers were killed and one was in crit­i­cal condition

You may like this video also