തവിഞ്ഞാൽ പഞ്ചായത്തിൽ ‘അഴിമതിയും ഭരണ സ്തംഭനവും’: സിപിഐ

യുഡിഎഫ് നേതൃത്വം നല്‍കുന്ന തവിഞാൽ പഞ്ചായത്ത് അഴിമതിയിൽ മുങ്ങിയിരിക്കുകയാണന്നും കോൺഗ്രസ് അംഗങ്ങളുടെ അഭിപ്രായ ഭിന്നതമൂലം ഭരണസമതി യോഗം പോലും നടക്കുന്നില്ലെന്നും കഴിഞ്ഞ ദിവസം നടന്ന യോഗത്തില്‍ നിന്ന് കോൺഗ്രസ് അംഗങ്ങൾ പലരും വിട്ടുനിന്നുവെന്നും സിപിഐ തവിഞ്ഞാൽ ലോക്കൽ കമ്മറ്റി കുറ്റപ്പെടുത്തി. 

പഞ്ചായത്തിൽ വിവിധ ആവശ്യങ്ങളുമായി എത്തുന്ന പൊതു ജനം ദുരിതത്തിലാണ്. ഭരണസമതിയോഗത്തിൽ കൈയ്യാങ്കളിയും മർദ്ദനവുമാണ് നടക്കുന്നത്. ഊമക്കത്ത് വിവാദം സംബന്ധിച്ച് പോലിസ് അന്വേഷിക്കണമെന്നും വനിതകളെ അനാവശ്യമായ വിവാദത്തലേക്ക് കൊണ്ട് വരുന്നത് തെറ്റാണനും കുറ്റക്കാർ ആരായലും ശക്തമായ നടപടി വേണമെന്നും യോഗം ആവശ്യപ്പെട്ടു. സെക്രട്ടറി ശശി പയ്യാനിക്കൽ അധ്യക്ഷത വഹിച്ചു. പഞ്ചായത്ത് അംഗം മനേഷ്ലാൽ, ടി നാണു, ദിനേശ്ബാബു, മുസ്തഫ തലപ്പുഴ, രാഹുൽ വാളാട്, ഹംസ പൈനാംപാലം ശശി കഴുക്കോട്ടുർ എന്നിവർ പ്രസംഗിച്ചു.

Eng­lish Sum­ma­ry: ‘Cor­rup­tion and gov­er­nance dead­lock’ in Tavin­jal pan­chay­at: CPI

You may also like this video