കോവിഡ് പ്രതിരോധത്തിന്റെ ഭാഗമായി പി എച്ച് സി ‚സി എച്ച് സി ഇവനിംഗ് ഒപി പുനഃരാരംഭിക്കും.അതോടൊപ്പം തദ്ദേശ സ്വയംഭരണ സ്ഥാപങ്ങളിയെയും ആരോഗ്യമേഖലയിലെയും ഉദ്യോഗസ്ഥരെ ഉള്‍പ്പെടുത്തി യോഗങ്ങള്‍ കൂടാനും തീരുമാനിച്ച. കോവിഡ് പ്രതിരോധ വളണ്ടിയർമാരുടെ ടീമിനെ വിപുലീകരിച്ച് ടീം ക്യാപ്റ്റന്റെ പേരും മൊബൈൽ നമ്പറും തഹസീൽദാരുടെ ഓഫീസ് ജില്ലാ കളക്ടറേറ്റിലെ കണ്‍ട്രോള്‍ റൂം തുടങ്ങിയവയ്ക്ക് കൈമാറണം. ടീം അംഗങ്ങൾ മാനദണ്ഡങ്ങൾ പാലിച്ച് ഗൃഹസന്ദർശനം നടത്തണം.

തദ്ദേശഭരണസ്ഥാപനങ്ങൾ ഹെൽപ്പ് ഡെസ്ക് ആരംഭിക്കണം. ആംബുലൻസ് ക്രമീകരണം ഉറപ്പുവരുത്തണം.ഡിസിസി, സിഎഫ്എൽടിസി സംവിധാനങ്ങൾ ആവശ്യമെങ്കിൽ ഒരുക്കാൻ സജ്ജമാകണം. തദ്ദേശഭരണസ്ഥാപനങ്ങൾ പൊലീസുമായി ചേർന്ന് പ്രവർത്തിക്കണം. ഡോക്ടർമാർ അടക്കമുള്ള ആരോഗ്യപ്രവർത്തകരെ വിന്യസിക്കുമ്പോൾ ഗ്രാമീണ‑ആദിവാസി മേഖലകൾക്ക് വേണ്ട പരിഗണന ഉറപ്പുവരുത്തണം. മരുന്ന് ലഭ്യത ഉറപ്പുവരുത്താൻ ഡിഎംഒ തലത്തിൽ ശ്രദ്ധ വേണം

പ്രധാന ആശുപത്രികളിൽ ഫ്രന്റ് ഡെസ്ക് സംവിധാനം ആരംഭിക്കണം. ആശുപത്രികളിൽ തദ്ദേശസ്വയംഭരണ സ്ഥാപന പ്രതിനിധികൾക്ക് ബന്ധപ്പെടാൻ പ്രത്യേക നമ്പർ സജ്ജീകരിക്കണം. കോവിഡുമായി ബന്ധപ്പെട്ട് മരണാനന്തര ധനസഹായം അർഹതപ്പെട്ടവർക്ക് ലഭിക്കുന്നുവെന്ന് ഉറപ്പുവരുത്താൻ തദ്ദേശസ്വയംഭരണസ്ഥാപനങ്ങൾ നടപടി സ്വീകരിക്കണമെന്നും മന്ത്രി യോഗത്തില്‍ വ്യക്തമാക്കി.

English Summary : The PHC and CHC Evening OP will resume as part of the covid defence.