ഉക്രെയ്നിൽ നടന്ന ആക്രമണത്തിൽ ഫോക്സ് ന്യൂസ് മാധ്യമപ്രവർത്തകര്‍കൊല്ലപ്പെട്ടതായി റിപ്പോർട്ട്. 55 കാരനായ പിയറി സക്കർസേവിസ്കി, 24 വയസുകാരിയായ ഒലെക്സാന്ദ്ര കുവ്ഷിനോവ എന്നിവരാണ് കൊല്ലപ്പെട്ടതെന്ന് ഫോക്സ് സീനിയർ ഫീൽഡ് പ്രോഡ്യൂസർ യോനറ്റ് ഫ്രിലിംഗ് ഉദ്ധരിച്ച് ബിബിസി റിപ്പോർട്ട് ചെയ്തു. കഴിഞ്ഞദിവസം രാവിലെ കീവിലെ ഹൊറൻകയിൽ വച്ച് ഇവരുടെ വാഹനത്തിനു നേർക്കു വെടിവയ്പുണ്ടായി എന്നാണ് ഫോക്സ് ന്യൂസ് അറിയിച്ചത്. ഗുരുതരമായി പരിക്കേറ്റ ക്യാമറാമാന്‍ ബെഞ്ചമിൻ ഹാൾ ആശുപത്രിയിൽ ചികിത്സയിലാണ്. തങ്ങളെ സംബന്ധിച്ചിടത്തോളം ഇത് ഹൃദയഭേദകമായ ദിവസമാണെന്ന് ഫോക്സ് ന്യൂസ് സിഇഒ സുസെയ്ൻ സ്കോട്ട് പറഞ്ഞു. യുക്രെയ്നിയൻ മാധ്യമപ്രവർത്തകയായ കുവ്ഷിനോവ് കഴിഞ്ഞ ഒരു മാസമായി ടീമിനൊപ്പം പ്രവർത്തിച്ച് വരികയായിരുന്നുവെന്ന് യോനറ്റ് ഫ്രിലിംഗ് ട്വീറ്റ് ചെയ്തു. ഇറാക്ക്, അഫ്ഗാനിസ്ഥാൻ, സിറിയ തുടങ്ങിയ സ്ഥലങ്ങളിലെല്ലാം ഫോക്സ് ന്യൂസിന് വേണ്ടി ദൃശ്യങ്ങൾ പകർത്തിയിരുന്നത് പിയറി ആയിരുന്നു.
ഉക്രെയ്നിലെ റഷ്യന്‍ ആക്രമണം റിപ്പോര്‍ട്ട് ചെയ്യാനെത്തിയ നാല് മാധ്യമപ്രവര്‍ത്തകരാണ് ഇതുവരെ കൊല്ലപ്പെട്ടതെന്നാണ് റിപ്പോര്‍ട്ടുകള്‍.
English Summary: Fox journalists killed during Kiev attack
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.