2021 ഡിസംബര്‍ ഒന്ന് ആകുമ്പോഴേക്കും യൂറോപ്പില്‍ 2,36,000 പേര്‍ കോവിഡ് ബാധിച്ച് മരണപ്പെട്ടേക്കാമെന്ന് ലോകാരോഗ്യ സംഘടനയുടെ റിപ്പോർട്ട്. 1.3 ദശലക്ഷം പേരാണ് യൂറോപ്പില്‍ ഇതുവരെ കോവിഡ് ബാധിച്ച് മരിച്ചത്.
‘കഴിഞ്ഞ ആഴ്ച മേഖലയില്‍ 11 ശതമാനം വര്‍ധനവാണ് കോവിഡ് മരണങ്ങളില്‍ ഉണ്ടായത്. ഡിസംബര്‍ ഒന്ന് ആകുമ്പോഴേക്കും 2,36,000 പേര്‍ കോവിഡ് ബാധിച്ച് മരണപ്പെടുമെന്നാണ് കരുതുന്നത്.’ – യൂറോപ്പിലെ ലോകാരോഗ്യ സംഘടന ഡയറക്ടര്‍ ഹാന്‍സ് ക്ലൂഗ് മാധ്യമ പ്രവര്‍ത്തകരോട് പറഞ്ഞു. വാക്‌സിന്‍ വിതരണം മന്ദഗതിയിലായത് സംബന്ധിച്ച ആശങ്കയും അദ്ദേഹം പങ്കുവെച്ചു.
അതേസമയം, ഭൂഖണ്ഡത്തില്‍ ഉടനീളം വൈറസ് വ്യാപനത്തോത് ഉയര്‍ന്നത് ആശങ്ക ഉയര്‍ത്തുന്നുണ്ടെന്നും അദ്ദേഹം കൂട്ടിച്ചേര്‍ത്തു. നിയന്ത്രണങ്ങളില്‍ വരുത്തിയ ഇളവുകളും വേനല്‍ക്കാല യാത്രകളിലുണ്ടായ വര്‍ധനവും കൊവിഡ് കേസുകള്‍ ഉയരുന്നതിന് കാരണമായതായി അദ്ദേഹം ചൂണ്ടിക്കാണിക്കുന്നു. യൂറോപ്പിലെ പകുതിയോളം ജനങ്ങള്‍ രണ്ടുഡോസ് വാക്‌സിന്‍ സ്വീകരിച്ചെങ്കിലും മേഖലയില്‍ വാക്‌സിന്‍ വിതരണം മന്ദഗതിയിലാണ്.
English summary; In Europe, 236,000 people could have died of covid by December; WHO report
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.