രാജസ്ഥാനില്‍ സ്കൂൾ അധ്യാപിക ലിംഗമാറ്റ ശസ്ത്രക്രിയ നടത്തി വിദ്യാര്‍ത്ഥിനിയെ വിവാഹം ചെയ്തു. ഭരത്പൂരില്‍ ഫിസിക്കല്‍ എഡ്യൂക്കേഷന്‍ അധ്യാപികയായ മീര തന്റെ വിദ്യാര്‍ത്ഥിനിയായ കല്‍പന ഫൗസ്ദാറുമായി പ്രണയത്തിലാവുകയായിരുന്നു. വിവാഹം കഴിക്കാനായി മീര ലിംഗമാറ്റ ശസ്ത്രക്രിയ നടത്തി ആരവ് കുന്തൽ എന്ന് പേര് സ്വീകരിക്കുകയും ചെയ്തു. പ്രണയത്തിന് അതിരുകളില്ല അതിനാലാണ് ലിംഗമാറ്റം നടത്തിയതെന്ന് ആരവ് മാധ്യമങ്ങളോട് പറഞ്ഞു. സ്‌കൂളിലെ ഫിസിക്കൽ എജ്യുക്കേഷൻ ക്ലാസുകൾക്കിടയിലാണ് അധ്യാപികയായ മീര കൽപനയെ പരിചയപ്പെടുന്നത്.
കൽപന സംസ്ഥാന തലത്തിൽ കബഡി പ്ലേയറാണ്. സ്‌കുളില്‍ വച്ചാണ് ഇരുവരും പരിചയപ്പെടുന്നതും അടുത്ത് ഇടപഴകുന്നതും. 2019 ഡിസംബറിൽ ആരവ് ആദ്യമായി ലിംഗമാറ്റ ശസ്ത്രക്രിയ നടത്തിയത്. എപ്പോഴും ഒരു ആൺകുട്ടിയാണെന്നാണ് താന്‍ കരുതിയിരുന്നത്. എന്നാല്‍ പെണ്‍കുട്ടിയായി ജനിച്ചു പോയിയെന്ന് ആരവ് പറയുന്നു. അതേസമയം ആരവുമായി താൻ ഏറെ നാളായി പ്രണയത്തിലായിരുന്നുവെന്നും ശസ്ത്രക്രിയ നടത്തിയില്ലെങ്കിലും വിവാഹം കഴിക്കുമായിരുന്നുവെന്നും വധു കൽപന പറഞ്ഞു. ശസ്ത്രക്രിയയ്ക്ക് ഒപ്പം പോയിരുന്നതും കല്‍പന തന്നെയായിരുന്നു. ജനുവരിയിൽ അന്താരാഷ്ട്ര കബഡി ടൂർണമെന്റിനായി ദുബായിലേക്ക് പോകാനൊരുങ്ങുകയാണ് കല്‍പന. മാതാപിതാക്കൾ ഇരുവരുടെ വിവാഹം അംഗീകരിച്ചു സ്വീകരിക്കുകയും ചെയ്തു.
English Summary:intense love; Teacher marries student after undergoing gender reassignment surgery
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.