ആര്യങ്കാവിൽ വനത്തോട് ചേർന്നുള്ള ജനവാസ മേഖലയിൽ കാട്ടാനയെ ചരിഞ്ഞ നിലയിൽ കണ്ടെത്തി. ഒരു ദിവസത്തെ പഴക്കമുണ്ട്.
ആര്യൻകാവ് താഴെ ഇരുളൻകാട്ടിൽ ആണ് സംഭവം. ആര്യങ്കാവിന്റെ ചുമതലയുള്ള തെന്മല ആർ ഒ ജയന്റെ നേതൃത്വത്തിൽ വനം വകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. ചരിഞ്ഞ ആനക്ക് ഏകദേശം 20 വയസ്സ് പ്രായം ഉണ്ടെന്ന് കണക്കാക്കുന്നു. ടാപ്പിംഗ് തൊഴിലാളികളാണ് ആന ചരിഞ്ഞ നിലയിൽ ആദ്യം കണ്ടത്. സമീപത്തെ പ്ലാവിൽ നിന്ന് ചക്ക പറിച്ചെടുക്കുന്നതിനടയിൽ വൈദ്യുതി ലൈനിൽ നിന്ന് ഷോക്ക് ഏറ്റതാണെന്നാണ് പ്രാഥമിക നിഗമനം. വിദഗ്ധ സംഘത്തിന്റെ നേതൃത്വത്തിൽ ഇന്നു നടക്കുന്ന പോസ്റ്റ്മോർട്ടം നടപടികൾക്ക് ശേഷമേ കൂടുതൽ വിവരങ്ങൾ വ്യക്തമാവുകയുള്ളൂ.
ആര്യങ്കാവ് പഞ്ചായത്തിന്റെ വിവിധ പ്രദേശങ്ങളിളെ ജനവാസ മേഖലകളിൽ കാട്ടാനശല്യം രൂക്ഷമാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.