സമഗ്രശിക്ഷാ കേരളം ചെങ്ങന്നൂർ ബി ആർ സി യുടെയും പാണ്ടനാട് എം വി ലൈബ്രറിയുടെയും സംയുക്താഭിമുഖ്യത്തിൽ ലതാമങ്കേഷ്കർ അനുസ്മരണം സംഘടിപ്പിച്ചു. ആലാപനമാധുരിയാൽ ലോകത്തിന്റെ ഹൃദയം കീഴടക്കിയ സമാനതകളില്ലാത്ത സംഗീതജ്ഞയായിരുന്നു ലതാ മങ്കേഷ്‌കർ. ദുരിതങ്ങളുടെ തീക്കനലുകളിൽ നിന്ന് സംഗീതത്തിന്റെ സുന്ദരലോകത്തേക്ക് പറന്നുയർന്ന് ഇന്ത്യയുടെ വാനമ്പാടിയായിത്തീർന്ന ലതാമങ്കേഷ്കറുടെ ജീവിതം പുതുതലമുറയ്ക്ക് വെളിച്ചമേകുന്നു. പാണ്ടനാട് സ്വാമി വിവേകാനന്ദ ഹയർസെക്കന്ററി സ്കൂളിൽ നടന്ന അനുസ്മരണ യോഗം കവിയും സംസ്ഥാനചലച്ചിത്ര അവാർഡ് ജേതാവുമായ ഒ എസ് ഉണ്ണികൃഷ്ണൻ ഉദ്ഘാടനം ചെയ്തു. ചെങ്ങന്നുർ ബ്ലോക്ക് പ്രോഗ്രാം കോർഡിനേറ്റർ ജി കൃഷ്ണകുമാർ, പ്രിൻസിപ്പൽ രശ്മി ഗോപാലകൃഷ്ണൻ, പ്രഥമാധ്യാപിക സ്മിത എസ് കുറുപ്പ്, ദേശീയ ഹരിതസേന കോർഡിനേറ്റർ ആർ രാജേഷ്, ബി ആർ സി ട്രെയിനർ പ്രവീൺ വി നായർ, ക്ലസ്റ്റർ കോർഡിനേറ്റർ വി ഹരിഗോവിന്ദ്, അധ്യാപകരായ ടി കെ ശശി, ഡി രമാദേവി എന്നിവർ സംസാരിച്ചു. ലതാമങ്കേഷ്ക്കറുടെ സ്മരണാർത്ഥം കുട്ടികൾ അവരുടെ പ്രശസ്ത ഗാനങ്ങൾ വേദിയിൽ ആലപിച്ചു. ലതാമങ്കേഷ്കറുടെ ജീവിതനിമിഷങ്ങൾ വിവരിക്കുന്ന പത്രക്കുറിപ്പുകളുടെ പ്രദർശനവും നടന്നു.
English Summary: Lata Mangeshkar memorial organized
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.