മിൽമയുടെ പാൽ ഉൽപ്പന്നങ്ങൾക്ക് നാളെ മുതൽ വില കൂടും

പാൽ ഉൽപ്പന്നങ്ങൾക്ക് നാളെ മുതൽ വില കൂടുമെന്ന് മിൽമ ചെയർമാൻ കെ എസ് മണി.മോര്, തൈര്, ലെസ്സി എന്നി ഉൽപ്പന്നങ്ങൾക്ക് അഞ്ചുശതമാനം വർധന ഉണ്ടാകുമെന്നും കെ എസ് മണി മാധ്യമങ്ങളോട് പറഞ്ഞു.

നാളെ മുതൽ പുതുക്കിയ വില നിലവിൽ വരും. കൃത്യമായ വില നാളെ പ്രസിദ്ധീകരിക്കും. വില നിശ്ചയിക്കാൻ അധികൃതർക്ക് നിർദേശം നൽകിയതായും കെ എസ് മണി അറിയിച്ചു.

പായ്ക്ക് ചെയ്ത് ലേബൽ ഒട്ടിച്ച ബ്രാൻഡഡ് അല്ലാത്ത ഭക്ഷ്യവസ്തുക്കളെ ജിഎസ്‌ടി പരിധിയിൽ ഉൾപ്പെടുത്തിയത് നാളെ മുതൽ പ്രാബല്യത്തിൽ വരികയാണ്. ഇതിന്റെ അടിസ്ഥാനത്തിലാണ് പാലുൽപ്പന്നങ്ങൾക്ക് വില കൂടുന്നത്. പാലുൽപ്പന്നങ്ങൾക്ക് പുറമേ അരി, ഗോതമ്പ് പൊടി, അരിപ്പൊടി എന്നിവയുടെ വില ഉയരുമെന്ന് വ്യാപാരികൾ പറയുന്നു.

Eng­lish summary;Milma’s milk prod­ucts will increase in price from tomorrow

You may also like this video;