22 June 2024, Saturday

Related news

May 4, 2023
December 15, 2022
July 23, 2022
July 22, 2022
July 20, 2022
July 15, 2022
July 13, 2022
July 8, 2022
July 2, 2022
June 30, 2022

മുഹമ്മദ് സുബൈറിനെ തെളിവെടുപ്പിനായി ഇന്ന് ബംഗളുരുവില്‍ എത്തിക്കും

Janayugom Webdesk
June 30, 2022 8:46 am

മാധ്യമ പ്രവര്‍ത്തകന്‍ മുഹമ്മദ് സുബൈറിനെ തെളിവെടുപ്പിനായി ഇന്ന് ബംഗളുരുവില്‍ എത്തിക്കും. ട്വീറ്റ് പോസ്റ്റ് ചെയ്യുന്നതിനായി മൊബൈല്‍ ഫോണ്‍, ലാപ്‌ടോപ് എന്നിവയിലെ തെളിവുകള്‍ കണ്ടെത്തുന്നതിനായി നാലംഗ പൊലീസ് സംഘം ബെംഗളുരുവിലെ അദ്ദേഹത്തിന്റെ വീട്ടിലെത്തുമെന്ന് ഉയര്‍ന്ന ഉദ്യോഗസ്ഥന്‍ അറിയിച്ചു.

മതവികാരം വ്രണപ്പെടുത്തിയെന്നും വിദ്വേഷ പ്രചരണം നടത്തിയെന്നും ആരോപിച്ച് തിങ്കളാഴ്ചയാണ് വസ്തുതാ അന്വേഷണ വെബ്സൈറ്റായ ആള്‍ട്ട് ന്യൂസ് വെബ്സൈറ്റ് സഹ സ്ഥാപകന്‍ മുഹമ്മദ് സുബൈറിനെ ഡല്‍ഹി പൊലീസ് അറസ്റ്റ് ചെയ്തത്.

2018ലെ ട്വീറ്റിന്റെ അടിസ്ഥാനത്തിലായിരുന്നു നടപടി. ചൊവ്വാഴ്ച കോടതി അദ്ദേഹത്തെ നാല് ദിവസത്തെ പൊലീസ് കസ്റ്റഡിയില്‍ വിട്ടു. ഹനുമാന്‍ ഭക്ത് എന്ന ട്വിറ്റര്‍ ഹാന്‍ഡിലില്‍ പങ്കുവച്ച പോസ്റ്റിനെ ആധാരമാക്കിയാണ് ഡല്‍ഹി പൊലീസ് സുബൈറിനെതിരെ കേസെടുത്തത്.

എന്നാല്‍ ഈ ട്വിറ്റര്‍ ഹാന്‍ഡില്‍ ഇപ്പോള്‍ നിലവിലില്ല. ‘ഹണിമൂൺ ഹോട്ടൽ’ എന്ന ഹോട്ടലിന്റെ സൈൻ ബോർഡ് ‘ഹനുമാൻ ഹോട്ടൽ’ എന്നാക്കി മാറ്റിയ ചിത്രം ട്വിറ്ററില്‍ പങ്കുവച്ചതിനാണ് സുബൈറിനെതിരെ കേസെടുത്തത്.

2014ന് മുമ്പ്: ഹണിമൂല്‍ ഹോട്ടല്‍, 2014ന് ശേഷം: ഹനുമാന്‍ ഹോട്ടല്‍ എന്ന തലക്കെട്ടോടെയാണ് ചിത്രം പോസ്റ്റ് ചെയ്തിരുന്നത്.

Eng­lish summary;Mohammad Zubair will be brought to Ben­galu­ru today for evidence

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.