Web Desk

വയനാട്

February 13, 2021, 2:12 pm

വയനാട്ടില്‍ വീണ്ടും കുരങ്ങ് പനി; ജാഗ്രത നിര്‍ദേശവുമായി ആരോഗ്യവകുപ്പ്

Janayugom Online

വയനാട് ജില്ലയില്‍ ആശങ്ക പരത്തി വീണ്ടും കുരങ്ങ് പനി. വനമേഖലയിലുള്ളവരോട് ജാഗ്രത പാലിക്കാന്‍ ആരോഗ്യവകുപ്പ് അറിയിച്ചു. വയനാട്ടിലെ മുള്ളന്‍കൊല്ലി സ്വദേശിയ്ക്ക് കഴിഞ്ഞ ദിവസമാണ് കുരങ്ങ് പനി സ്ഥിരീകരിച്ചത്. തുടര്‍ന്ന് ഇയാള്‍ സ്വകാര്യ ആശുപത്രിയില്‍ ചികിത്സ തേടുകയായിരുന്നു. ഈ സാഹചര്യത്തില്‍ വനത്തിനോട് ചേര്‍ന്നുള്ള പ്രദേശങ്ങളില്‍ താമസിക്കുന്നവര്‍ ജാഗ്രത പാലിക്കാനും കോളനികളില്‍ പ്രതിരോധ പ്രവര്‍ത്തനങ്ങള്‍ കൂടുതല്‍ ഊര്‍ജിതപ്പെടുത്തുമെന്നും ആരോഗ്യ വകുപ്പ് മുന്നറിയിപ്പ് നല്‍കി. മനുഷ്യരിലേക്ക് ചെള്ളുകളിലൂടെയാണ് രോഗം പടരുന്നത്. കുരങ്ങിന്റെ ശരീരത്തില്‍ ചെള്ള് കടിച്ച ശേഷമാണ് മുനുഷ്യനിലേക്ക് രോഗ ബാധയേല്‍ക്കുന്നത്. പനി, ചുമ, ശരീരവേദന, തലവേദന, കഫകെട്ട് എന്നിവയാണ് രോഗലക്ഷണങ്ങള്‍. എന്നാല്‍ മനുഷ്യരില്‍ നിന്ന് മനുഷ്യരിലേക്ക് രോഗം പടരുന്ന സാഹചര്യം കുറവാണെന്ന് ആരോഗ്യ വകുപ്പ് വ്യക്തമാക്കി. 

ENGLISH SUMMARY:Monkey fever again in Wayanad
You may also like this video