കോഴിക്കോട് യുവതിയും രണ്ട് മക്കളും തീകൊളുത്തി മരിച്ച നിലയില്‍

പേരാമ്പ്രയിൽ അമ്മയേയും രണ്ട് മക്കളേയും തീകൊളുത്തി മരിച്ച നിലയിൽ കണ്ടെത്തി. പേരാമ്പ്ര മുളിയങ്ങലിൽ പരേതനായ നടുക്കണ്ടി പ്രകാശന്റെ ഭാര്യ പ്രിയ (35), മക്കളായ പുണ്യ (13), നിവേദിത (4) എന്നിവരാണ് മരിച്ചത്. പുലർച്ചെ രണ്ടരയോടെ വീടിനകത്തുവച്ച് തീകൊളുത്തിയെന്നാണ് അറിയുന്നത്. ദേഹത്ത് മണ്ണെണ്ണയൊഴിച്ച് തീ കൊളുത്തുകയായിരുന്നു. നാട്ടുകാർ ഉടൻ തന്നെ പേരാമ്പ്രയിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളേജ് ആശുപത്രിയിലും എത്തിച്ചെങ്കിലും മരണപ്പെടുകയായിരുന്നു. ഒരു വർഷം മുമ്പാണ് ഭർത്താവ് പ്രകാശൻ അസുഖത്തെത്തുടർന്ന്
മരിച്ചത്. ഭർത്താവിന്റെ മരണവും സാമ്പത്തിക പ്രയാസങ്ങളുമാണ്
ആത്മഹത്യയിലേക്ക് നയിച്ചതെന്നാണ് കരുതുന്നത്. മരണകാരണമെന്നാണ് കരുതുന്നത്. പ്രായമായ അമ്മ മാത്രമാണ് വീട്ടിലുള്ളത്. തൊഴിലുറപ്പ് ജോലിക്ക് പോയാണ് പ്രിയ കുടുംബം മുന്നോട്ടു കൊണ്ടുപോയിരുന്നത്.

Eng­lish Sum­ma­ry: moth­er and chil­dren burn to D‑eath in Kozhikode

You may like this video also