പ്രവാസി മലയാളി കാര്‍ നിയന്ത്രണം വിട്ട് കടലില്‍ വീണ് മരിച്ചു. റാന്നി പുതുശേരിമല സ്വദേശി ശ്രീജിത്ത് ഗോപാലകൃഷ്ണനാ(42)ണ് മരിച്ചത്. ഇന്നലെ വൈകിട്ടാണ് സംഭവം.
ബഹ്റൈനിലെ സിത്ര കോസ്‌വേയിലൂടെ പോകുകയായിരുന്ന കാര്‍ നിയന്ത്രണം വിട്ട് കടലില്‍ വീഴുകയായിരുന്നു. വെള്ളത്തിനടിയിലായ കാറില്‍ നിന്ന് ശ്രീജിത്ത് നീന്തി രക്ഷപ്പെട്ടതാണ്.
എന്നാല്‍, വിലപിടിപ്പുള്ള ചില വസ്തുക്കള്‍ കാറില്‍ നിന്ന് വീണ്ടെടുക്കാന്‍ അദ്ദേഹം തിരികെ നീന്തി. അപ്പോള്‍ തിരമാലകളില്‍പ്പെട്ട് മുങ്ങി മരിക്കുകയായിരുന്നു.
ഉടന്‍ തന്നെ സിവില്‍ ഡിഫന്‍സ് രക്ഷാപ്രവര്‍ത്തനം ആരംഭിച്ചെങ്കിലും ശ്രീജിത്തിന്റെ ജീവന്‍ രക്ഷിക്കാനായില്ല. മൃതദേഹം സല്‍മാനിയ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. റോക്ക് ന് ഹോം മാര്‍ബിള്‍ ആന്‍ഡ് ഗ്രാനൈറ്റ് വില്‍ എന്ന ബിസിനസ് സ്ഥാപനം നടത്തുകയാണ് ശ്രീജിത്ത്.
ഭാര്യയും കുട്ടികളും ഇദ്ദേഹത്തോടൊപ്പം ബഹറൈനില്‍ തന്നെയാണുള്ളത്. ഭാര്യ വിദ്യ അല്‍മഹദ് സ്‌കൂളില്‍ അധ്യാപികയാണ്.
English summary;One person died after the car went out of control and fell into the sea
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.