വിശ്വപ്രസിദ്ധ ഇന്ത്യൻ സംഗീതജ്ഞൻ പണ്ഡിറ്റ് ശിവകുമാർ ശർമ്മ (84) മുംബൈയിൽ അന്തരിച്ചു. ആറ് മാസമായി വൃക്കസംബന്ധമായ അസുഖങ്ങൾക്ക് ചികിത്സയിലായിരുന്നു അദ്ദേഹം. ഹൃദയാഘാതത്തെ തുടർന്നാണ് അന്ത്യം സംഭവിച്ചത്.
1960 ൽ പണ്ഡിറ്റ് ശിവകുമാർ ശർമ്മയുടെ ആദ്യ സോളോ ആൽബം റെക്കോർഡ് ചെയ്തു. പ്രമുഖ പുല്ലാങ്കുഴൽ വാദകൻ ഹരിപ്രസാദ് ചൗരസ്യ, ഗിറ്റാറിസ്റ്റ് ബ്രിജ് ഭൂഷൺ കബ്ര എന്നിവരുമായി സഹകരിച്ച് കോൾ ഓഫ് ദ വാലി എന്ന പ്രശസ്ത ആൽബം നിർമ്മിച്ചു.
ഹരിപ്രസാദ് ചൗരസ്യയ്ക്കൊപ്പം, സിൽസില, ചാന്ദ്നി, ഡർ എന്നിവയുൾപ്പെടെ ഒട്ടേറെ ഹിന്ദി സിനിമകൾക്കു് സംഗീതം നൽകി. 1991 ൽ പത്മശ്രീയും 2001 ൽ പത്മവിഭൂഷണും ലഭിച്ചു.
ജമ്മുവിൽ ജനിച്ച പണ്ഡിറ്റ് ശിവകുമാർ ശർമ്മ പതിമൂന്നാം വയസിലാണ് സന്തൂർ പഠനം തുടങ്ങിയത്. 1955 ൽ മുംബൈയിലായിരുന്നു അരങ്ങേറ്റം. പണ്ഡിറ്റ് ശിവകുമാർ ശർമ്മയ്ക്കാണ് സന്തൂർ എന്ന സംഗീത ഉപകരണം ജനകീയമാക്കിയതിന്റെ ബഹുമതി. ജമ്മു കശ്മീരിലെ ഗോത്രവർഗ്ഗ ശൈലികളിൽ നിന്ന് സന്തൂരിന് ഒരു ക്ലാസിക്കൽ പദവി നൽകി. സിത്താർ, സരോദ് തുടങ്ങിയ പരമ്പരാഗതവും പ്രശസ്തവുമായ ഉപകരണങ്ങൾക്കൊപ്പമാണ് ഇപ്പോൾ ഈ വാദ്യോപകരണത്തിന്റെ സ്ഥാനം.
മനോരമയാണ് ഭാര്യ. മക്കള്‍: രാഹുല്‍, രോഹിത്. സന്തൂർ കലാകാരനായ രാഹുല്‍ 1996 മുതൽ അച്ഛനൊപ്പം കച്ചേരി നടത്തി തുടങ്ങി.
English Summary: Pandit Sivakumar Sharma passes away
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.