22 June 2024, Saturday

Related news

February 25, 2024
February 24, 2024
February 9, 2024
January 22, 2024
January 21, 2024
January 21, 2024
January 18, 2024
January 9, 2024
January 9, 2024
January 8, 2024

ബിൽക്കിസ് ബാനു കൂട്ട ബലാത്സംഗ കേസിലെ പ്രതിക്ക് പരോൾ

Janayugom Webdesk
അഹമ്മദാബാദ്
February 9, 2024 10:05 pm

ഗുജറാത്ത് വംശഹത്യക്കിടെ നടന്ന ബിൽക്കിസ് ബാനു കൂട്ട ബലാത്സംഗ കേസിലെ പ്രതിക്ക് പരോൾ. സുപ്രീം കോടതി ഉത്തരവു പ്രകാരം ജയിലിലെത്തിയ പ്രതി ദഹോഡിലെ രൺധിക്പൂർ സ്വദേശി പ്രതീപ് മോഡിയയ്ക്കാണ് 15 ദിവസത്തിനകം പരോൾ ലഭിച്ചത്. 

ഗുജറാത്ത് ഹൈക്കോടതി നിർദേശത്തെ തുടർന്നാണ് ജയിൽ അധികൃതർ പരോൾ അനുവദിച്ചത്. ഭാര്യാപിതാവിന്റെ മരണച്ചടങ്ങുകളിൽ പങ്കെടുക്കാൻ അഞ്ചു ദിവസത്തേക്കാണ് പരോൾ.

ഫെബ്രുവരി അഞ്ചിന് ജസ്റ്റിസ് എം ആർ മെൻഗ്‌ദേയാണ് പ്രതീപ് മോഡിയയുടെ പരോൾ അപേക്ഷ പരിഗണിച്ചത്. ഒരുമാസത്തെ പരോളിനാണ് പ്രതി ആവശ്യപ്പെട്ടിരുന്നത്. ജയിലിൽ പ്രതിയുടെ പെരുമാറ്റം നല്ലതാണെന്നുള്ള അധികൃതരുടെ സാക്ഷ്യപ്പെടുത്തലും കോടതി നിർദേശമനുസരിച്ച് സമയത്ത് ജയിലിൽ തിരികെയെത്തിയതും അപേക്ഷയിൽ വ്യക്തമാക്കിയിരുന്നു. 

2002ലെ ഗുജറാത്ത് വംശഹത്യയിൽ അഞ്ചുമാസം ഗർഭിണിയായിരിക്കെയാണ് ബിൽക്കിസ് ബാനു ബലാത്സംഗത്തിന് ഇരയായത്. ബിൽക്കിസ് ബാനുവിനെയും കുടുംബത്തെയും അതിക്രൂരമായി വേട്ടയാടിയ സംഭവത്തിൽ ബിൽക്കിസ് ബാനുവും രണ്ട് മക്കളും ഒഴികെ ബാക്കിയുള്ളവരെയെല്ലാം അക്രമികൾ കൊലപ്പെടുത്തുകയായിരുന്നു. 

Eng­lish Sum­ma­ry: Parole for accused in Bilkis Banu gang rape case

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.