പെണ്‍കുട്ടിയെ പീഢിപ്പിച്ച് ഗര്‍ഭിണിയാക്കിയ യുവാവ് പൊലീസ് പിടിയിലായി. കൊല്ലം പളളിമുക്ക് കൊല്ലൂര്‍വിള കെറ്റിഎം നഗര്‍ 230 ഫാത്തിമാ മന്‍സിലില്‍ നെബിന്‍ (21) ആണ് പോലീസ് പിടിയിലായത്. സാമൂഹ്യ മാധ്യമത്തിലൂടെ പരിചയപ്പെട്ട പെണ്‍കുട്ടിയുമായി ഇയാള്‍ നിരന്തരം ഫോണില്‍ ബന്ധപ്പെട്ട് അടുപ്പത്തിലാകുകയായിരുന്നു. തുടര്‍ന്ന് വിവാഹ വാഗ്ദാനം നല്‍കി പെണ്‍കുട്ടിയുടെ വിശ്വാസം പിടിച്ച് പറ്റി. പെണ്‍കുട്ടി ബന്ധുവിനെ സന്ദര്‍ശിച്ച് തിരികെ പോയപ്പോള്‍ സാഹചര്യം മുതലെടുത്ത് ഇയാള്‍ പെണ്‍കുട്ടിയെ ഇയാളുടെ വീട്ടിലേക്ക് വിളിച്ച് വരുത്തി പീഢിപ്പിക്കുകയായിരുന്നു.
ശരീരിക അസ്വസ്ഥ്യങ്ങളെ തുടര്‍ന്ന് ചികിത്സ തേടിയ പെണ്‍കുട്ടി പീഡിപ്പിക്കപ്പെട്ടതായി മെഡിക്കല്‍ പരിശോധനയില്‍ അറിവായതിന്‍റെ അടിസ്ഥാനത്തിലാണ് ഇയാള്‍ പിടിയിലായത്. കൊട്ടിയം ഇന്‍സ്പെക്ടര്‍ ജിംസ്റ്റല്‍ എംസിയുടെ നേതൃത്വത്തില്‍ സബ്ബ് ഇന്‍സ്പെക്ടര്‍മാരായ സുജിത്ത് ബി നായര്‍, അനൂപ്, അഷ്ടമന്‍. പിജി, എഎസ്ഐ സുനില്‍കുമാര്‍ എസ്സിപിഒ ബീന സിപിഒ മാരായ പ്രശാന്ത്, പ്രവീണ്‍ചന്ദ് എന്നിവരടങ്ങിയ സംഘമാണ് ഇയാളെ പിടികൂടിയത്. ഇയാളെ റിമാന്‍റ് ചെയ്തു.
ENGLISH SUMMARY:Persecution for promising marriage
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.