16 June 2024, Sunday

Related news

June 14, 2024
June 12, 2024
June 12, 2024
June 12, 2024
June 12, 2024
June 12, 2024
June 12, 2024
June 10, 2024
June 10, 2024
June 9, 2024

ആറാം ഘട്ടം ഇന്ന്; 58 മണ്ഡലങ്ങളില്‍ ജനവിധി,11 കോടിയിലധികം വോട്ടര്‍മാര്‍

Janayugom Webdesk
ന്യൂഡൽഹി
May 25, 2024 6:45 am

ആറാം ഘട്ട ലോക്സഭാ തിരഞ്ഞെടുപ്പിൽ 58 മണ്ഡലങ്ങൾ ഇന്ന് പോളിങ് ബൂത്തിലേക്ക്. ഡല്‍ഹിയിലെ ഏഴ് പാര്‍ലമെന്റ് സീറ്റുകളും ഇന്ന് വിധിയെഴുതും. ബിഹാര്‍ (എട്ട്), ഹരിയാന (പത്ത്), ഝാര്‍ഖണ്ഡ് (നാല്), ഒഡിഷ(ആറ്), ഉത്തര്‍പ്രദേശ് (14), പശ്ചിമ ബംഗാള്‍ (എട്ട്), ജമ്മുകശ്മീര്‍ (ഒന്ന്) എന്നീ മണ്ഡലങ്ങളിലേക്കും ഇന്ന് വോട്ടെടുപ്പ് നടക്കും. ഒഡിഷ നിയമസഭയിലേക്ക് 42 സീറ്റുകളിലും ഇന്ന് പോളിങ് നടക്കും. 

11.43 കോടി വോട്ടർമാരാണ് ഇന്ന് സമ്മതിദാനാവകാശം രേഖപ്പെടുത്തുക. 889 സ്ഥാനര്‍ത്ഥികള്‍ മത്സരരംഗത്തുണ്ട്. 1.14 ലക്ഷം പോളിങ് സ്റ്റേഷനുകളിലായി 11.4 ലക്ഷം പോളിങ് ഉദ്യോഗസ്ഥരെ വിന്യസിച്ചിട്ടുണ്ട്. ആറാംഘട്ടത്തോടെ 28 സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും പോളിങ് നടപടികള്‍ പൂര്‍ത്തിയാകും.

ഡല്‍ഹിയടക്കമുള്ള സംസ്ഥാനങ്ങളില്‍ കടുത്ത ഉഷ്ണതരംഗം നേരിടുന്ന സാഹചര്യത്തില്‍ വോട്ടിങ് ശതമാനത്തില്‍ തെരഞ്ഞെടുപ്പ് കമ്മിഷന് ആശങ്കയുണ്ട്. ഉഷ്ണതരംഗത്തെത്തുടര്‍ന്ന് പല സംസ്ഥാനങ്ങളിലും റെഡ് അലര്‍ട്ട് നിലനില്‍ക്കുന്നുണ്ട്. ഇതുവരെ അഞ്ച് ഘട്ടങ്ങളിലും കുറഞ്ഞ പോളിങ് ശതമാനമാണ് രേഖപ്പെടുത്തിയിരിക്കുന്നത്. പശ്ചിമ ബംഗാളില്‍ റിമാല്‍ ചുഴലിക്കാറ്റ് പ്രതികൂലമായി ബാധിക്കാന്‍ സാധ്യതയുള്ളതായും അതീവ ജാഗ്രത പാലിക്കണമെന്നും മുന്നറിയിപ്പുണ്ട്. 

Eng­lish Summary:Phase 6 today; elec­tion in 58 con­stituen­cies, more than 11 crore voters
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.