ദൈനംദിനമുപയോഗിക്കുന്ന സൗന്ദര്യവര്ധക വസ്തുക്കളിലും അപകടകാരികളായ മൈക്രോപ്ലാസ്റ്റിക്കിന്റേയും മൈക്രോബീഡ്സിന്റെയും സാന്നിധ്യം കണ്ടെത്തി. അഞ്ച് മില്ലിമീറ്ററില് താഴെ വ്യാസമുള്ള സോളിഡ് പ്രൈമറി മൈക്രോപ്ലാസ്റ്റിക്കുകളാണ് മൈക്രോ ബീഡ്സുകള്. സൗന്ദര്യവര്ധക വസ്തുക്കളില് അടങ്ങിയിരിക്കുന്ന മൈക്രോ പ്ലാസ്റ്റിക്, മൈക്രോ ബീഡ്സുകള് പ്രകൃതിക്ക് പ്രത്യേകിച്ച് സമുദ്ര ആവാസവ്യവസ്ഥയ്ക്ക് വെല്ലുവിളി ഉയര്ത്തുന്നവയാണ്.
ദൈനംദിന ഉപയോഗത്തിലുള്ള 35 സൗന്ദര്യവര്ധക വസ്തുക്കളിലാണ് ഡല്ഹി കേന്ദ്രീകരിച്ച് പ്രവര്ത്തിക്കുന്ന ടോക്സിക് ലിങ്ക് എന്ന എന്ജിഒ പഠനം നടത്തിയത്. 19 ഫേസ് വാഷുകളിലും നിരവധി ഫേഷ്യല് സ്ക്രബുകളിലും ഒമ്പത് ബോഡിവാഷുകളിലും പഠനം നടത്തി. ഇവയില് 20 എണ്ണത്തിലാണ് പോളിമെറിന്റെ സാന്നിധ്യം കണ്ടെത്തിയത്. ഇതില് 14 എണ്ണത്തില് മൈക്രോ പ്ലാസ്റ്റിക്സ് ബീഡ്സും അടങ്ങിയിട്ടുണ്ട്. ഗോവയിലെ നാഷണല് ഇന്സ്റ്റിറ്റ്യൂട്ട് ഓഫ് ഓഷ്യാനോഗ്രഫിയിലാണ് ഇതുസംബന്ധിച്ച പരിശോധനകള് നടത്തിയത്.
English Summary:Plastic in cosmetics too
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.